ابوذيات روعه

من طرف كاسبر 10/3/2007, 9:31 pm

ورد
يالخدودج حمر مثل الورد
ماجه ابالي انساج ولا ورد
كل ما حاولت ارجعلج ورد
وارجع زحف اذا ما اتشيلني رجليه
هسه نجي شويه وطنيات:
وداري
عفت وطني...عفت اهلي وداري
وما جنت بظيم الغربه عالم وداري
جيراني تخلوا وانه الجنت بهم اداري
اي ليش كل هذه الحقد عليه

ابعمرنه
ليش ما شفنه الفرح يوم ابعمرنه
ولا اهلنه من جانو ابعمرنه
صارت مصيبتنه ابعلينه وابعمرنه
وبكر وحسين داروا عليهم وليه
هجرنه بيوتنه وعاشرنه الغراب

مثل البوم واحدهم والغراب

موهاي الغريبه بس الغراب

اخوي وبالغرب ويخون بيه
******************
العراق ابجرحه ما فزعت دولنا

ولا لجروحنه ودو دولنا

باقلام الشعب هذا دولنا

الخزي والعار للخاين بخيه
******************
كتبنه اشعارنه ويشهد قلمنه

وماضن مثله بالدنيه قلمنه

حبك حيل متغير قلمنه

مبين كمت ما تنشد عليه
****************
حبك بالكلب غالي وشلته

ودمعي بيوم هجرانك وشلته

احب كلبك وصحبانه وشلته

واحبك حيل يالمبعد عليه
*****************
شجاك وعلي صاير مثل فرعون

وعون الردته بالشدات فرعون

هوه افتر عليه وراح فر عون

وتاليهه الوكت فرهم عليه
******************

ياهو الي علس روحي وصكهه

وقفل بيبانهه بيده وصكهه

جنت انته رصيد الهه وصكهه

صرت صكاك هسه وتصك بيه
*******************

ارفع راسك الربك ودينك

وتمسك بالنبي الهادي ودينك

لتفكر بدينارك ودينك

تراهي الدنيه ساعه وهايهيه
*******************
تهون جروحي اليدن والكصار

وعلى كلبك رهم كلبي ولكصار

تامرني امر انته ولكصار

مطاع امرك وتدلل عليه
*****************

ابوذيات روعه J7N07-qIBy98257