ابوذيات على الـــــماشي.......

بس بالغدر انت مو طبيعي
جمالك جنن الدنيا مو طبيعي
من شفافچ الحلوة موطا بيعي
عشر كواب حاجز بس اليه


احلى من العسل ياناس شفته
وبشارعنه العصر يتمشه شفته
هم يجي يوم اخلي شفتي على شفته
بعدها والله اتمنى المنيه

معاد الناس كلهة وانتة اصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية..

وحك من شدك ابكلبي وعيب حلاك
جمالك لغز يبقى صعب حلاك
تعرف ليش ربك حيل حلاك
حتى اتصير للوادم اذية


قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية


عليك اصغار تسالني والاكبار
وانا المتقي بحبك والك بار
الك مسجد بنص كلبي والك بار
تصلي وتسكر وتخطب عليـــه


حبيتك واصبحت ابغير .. عالم
ورب العرش يشـهدلـي .. وعالم
طالب اني عندك وانت .. عالم
تشرحلي وترد تمتحن بيـه


وحك رصعة خدودك وحك شفتاك
انسبيت بيوم وسط الروح شفتك
شيخلصني بعد شرتاح شفتك
القرب والبعد نفس الاذية


عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه

لجل حبچ سهر جفني ورج لچ(يبچي الچ)
وعساها ايدينچ انشلن ورجلچ
دعيت الله تموتي انتي ورجلچ
وابوچ يموت وي امچ سويـــه


صرت دم المشه بداخل وريدك
ومثل متريد مشيني واريدك
فراگك حيل مرمرني واريدك
على اجروحي تدوس بلا خطيه


الك بايع دليلي وانته حر بي
يتيم انه بجمالك وانته حر بي
افجر كلمن يحبك وانتحر بي
لان مخصوص حبك بس اليه


ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه


حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا



الشوگ وياك صدفه قابل اني __
شيجي منك عليه قابل اني __
تقشمرني بضحكتك قابل اني __
غشيم اوتعبر الضحكه عليه


يجي يوم وتشوف نجوم /ضهراك/
وكلبك جذب مو مثل /ضهراك/
انه البشدة جنت حزام/ضهراك/
وهسه شعجب جدامك يطعنون بيه




نبيع الروح للينشد علينه
والصبح ثوب الحزن لايك علينه
وحك العباس وحمزة وعلينه
نحب طاريك يابو نفس الوفيه


وحك الما خلك ربي شباهة
سبع نيران اله ابكلبي شباهة
اعذرة المادرة ابروحي شباهة
كتلني المطلع ويلوم بية


انه بحبك ابد مايوم غشيت
وعن كل البنات النظر غشيت
گعدت يمه وعليه بسكوت غشيت
وگف صاح المدرس غش عليه



جبل شايل على صدرك والك حيل
تعال اسحك علة ضلوعي والك حيل
اموت ابشفتك الحمرة والكحيل
وانة بها الخصر شفت المنية



انه شديت جرحك ليش حليت
وعلي حله الطلاب حليت
ذكرتك بمتحان وغلط حليت
شجاوب وانته شاغل حته اديه



يظل عالي جبل حبي ماتنصه
كتاب الوردك مني ماتنصه
تدري بغيبتك گلبي مات نصه
ونصه الثاني بس يبجي عليه

وهذه الابوذيه الاخرى من تاليفي ايضاٌ

بحلاتك جننت جن الكون ونسه
يلي حته البجي وياك ونسه
تگلي اتركني ارجوك ونسه
ونسه ايامنه المرن سويه



عليه الدهر سل سيفه وحده
وسناسل شبك برجلي وحده
الدهر لا وين تاليته وحده
مرامه يشمت العدوان بيه

سيوف الدهر جردها وسلها
عليه ونحل عظامي وسلها
الوادم عني انشدها وسلها
تخبرك بالمصاب العمل بيه

الوكت اثر بنكباته ويانه
وزيدك شامت بناره ويانه
صلف وشكثر ضيم احمل ويانه
الدهر وفراك والشامت عليه


الدنيه بيش تطلبني وشله
فراكك موت اعصابي وشله
دموع العين كلساعه وشله
بسبب فركاك يلمبعد عليه


ابلهيب الشوك كل اعضاي وجن
وتيهت السنين المضـــــــن وجن
مثلك ماشفت بالانـــــــــس وجن
جلت قدرته السواك اليه



احلفنك تكلي الصدك بلله
منو مثلي بجه ولثوب بلله
افراكك زيدالي الطين بلله
وفوك اهمومي حط اهموم بيه