صح السانك صباح الهلالي طب شوف وكول رحم الله والديك

من طرف header_79 4/5/2008, 1:29 am

ماجينه يا ماجيـــنه....
ليش العالـــــم ناسـيـنه
بس احنـــه نفكر بالناس....
شو محد فكر بـــيــنه
يارب انت راعي البــيــت...
احفظنه واحفظ هالبـيت
دگينه الباب برمـــضــان...
بس دوه ردنه من الجيران
يـــــا اهل الســـطوح... جيـرانــكم مجـروح
وابن الجيران الحبــاب... اجه يركض فتحلنه البـــــاب
بس فجر نفسه علينـــــــــــه

ماجينه يا ماجينه ليش العالم ناسينه...بس احنه نفكر بالناس شو محد فكر بينه

ياربي انته راعي البيت.. احفظنه واحفظ هلبيت
دكينه الباب برمضان ...بس دوه ردنه من الجيران

يهل السطوح .... جيرانكم مجروح

وبن الجيران الحباب ..... اجه يركض فتحنه الباب ..... بس فجر نفسه علينه

ممنوع همس الشفه ..... ممنوع بالحب رجفه .... وذبلت خدودي الترفه

ابغداد ممنوع العشك .... نسكت كلبنه يحترك .... وممنوع ان نحجي الصدك

كدامي اخرس ماحجه .... اشر وكصو جفه

ممنوع ألي ياشر صدك... وزعو موت على الخلك

خفنه ورجعنه ليوره...وجبرونه ان نلزم سره..الكدام يسأل بالوره..شنو الحصل شنو الجره

ثاري مثل موت النخل واحدنه ميت وكفه

عالخصن حيه مزيفه....العصفور طير شعرفه.....سد عشه للنخله صعد.....كضته سنون السعفه

وقررو في جذع النخل.....ممنوع تنبت سعفه.....وممنوع ترجف سعفه

لو وحده رجفت من غضب او صدفه.........والأدنه سبب..يكصون راس الصدفه

بكل ذره من جسمي تعب.....بكل غرفه من بيتي حرب......ينكلون اخوتي بهلحطب ويدعون بس لااا تطفه

وهم كلت باجر تصفه ..... وترجع بديه الدفه

نعيش في نفس القفص بس انه وامي وجدي......القفص يسوه مملكه......وامي احسها الملكه

وجدي امتداده لكل ملك......بس احس روحي مجدي...... شهبندر وما عندي

ااااااااااااااااااااااااااااااااااااااااااال كلب ابن كلب النفط كلهم كلبهم ضدي

لك الرايح يكول للراجع .... قنبله براس الشارع ..... الناس كلها تباوع

من طكت بعيني شفت مكطوع راس الشارع

ومحد يوكف نزفه ..... وهم كلت باجر تصفه ...... وترجع بديه الدفه

حبيت لكن حاير ..... حليوه بشكل ماصاير .... بس بيتهم عالساتر

والغام بيني وبينها .... لكن من اذكر عينها ..... والحصل بيني وبينها

تابوت احط للزفه.....وترجع بديه الدفه......وشفه احط عالشفه.....ومسموح همس الشفه وترجع بديه الدفه

وكل الي كلته الكم جذب ..... شاعر مسودن من احب

اابغداد مسموح العشك........ابغداد بس احنه صدك......وغصبن على الكل تصفه....غصبن على الكل تصفه....

للشاعر صباح الهلالي