مجموعة اشعار الشاعر طلال الرشيدي3

من طرف **معاد الجبوري** 12/15/2007, 12:34 am

مريول أزرق

هذا الشهر مر

هذا الشهر مر

بالحزن والدمع الامر

خمس طعشر شمس غابت

وكسف خمس طعشر قمر

بالله من يقدر يقول ؟

من يا ترى المسؤل؟

موظف اهمل بالاماره انه ماصان العماره

العماره !!

ارجوك لاتفهم خطا

مهم تقدير المشاعر

لا يزيدوا القتلى واحد

خمس طعشر بنت وشاعر

من ياترى المسؤل؟

الدفاع البدني ؟

الدفاع البدني يمكن كان ممكن

انقذوا ماكان امكن

لو شعور الرحمه والواجب تمكن

ويمكن النار السبب؟

او يمكن الشاي؟

او حالة التنفيس

او يمكن ابليس؟

او يمكن الهيئه

لا تفهموني خطا

اقصد هيئة التدريس

من ياترى المسؤل؟

الرئاسه العامه لتعليم البنات

ما فات فات

والباقي اكثر يا خوات

مؤتمر صحفي وبوفيه وهدايا قيمات

قرر الريس يحل المشكلات

راح نصرف في السنين القادمه

مع الكتب ...كفن الحياة

بس اذا نبغاها تغلق

اقترح هديه تلبق

علقوا في مكتب الشيخ الريس

منظر طبيعي

خمس طعش مريول ازرق

اصبحت بالدم تغرق

واكتبوا على كل مريول

من ياترى المسؤل؟

* * *

من يعزيني بخواتي؟

من يعزيني بناتي؟

من يواسيني على فقد امهاتي؟

قام واحد باخر المجلس وقال

صغار كانوا ياطلال!

ياسيدي هذي البلد والله مافيها صغار

حنا حتى في المهد نولد كبار

خمس طعشر ام ثكلى

خمس طعشر ابو حزين

الجاني مثل الطير حر

والمجني على حلمه سجين

-----------------------

أموت وورثي إحرامي

أنا مابي من الدنيا..وصول للعيون الدعـــج

وأظن الصدق يكفي لو أموت ورثي إحرامي

حبيبي جاهل طاغي يحسب إن الجوارح ثلج

وأنا مالي شفاه وفم صوتي ضيع أحلامــــــي

إذا حبك ذبحني صد كل له بموتــه نهـــــــــج

تشهّد بالعجاج البيـــــــــد.. قبل تموت قدامي

أنا غصــــــنٍ.وإنت أوراق والعاذل خريف وعج

ووش عذر الورق والغصن.. لا يابس ولا ظامي

غديت الشايب اللي عاصبٍ راس الزمان الحرج

كبيـــرٍ حــــزّم الدنـــــــيا على متنه.. ولا قامي

شليلي بالعفاف أبيض.. على حالته يومه نسج

تدور الناس والدنيا.. وأموت وورثي احرامي

بعض أحوال

ـــــ

أنا مقدر أكون أني حبيبٍ في بعض أحوال

أنا كلي أجي ولا أروح بعزتي كلي

ـــــــــ

تخيرت الفراق وما دريت أن الفراق وصال

أقول أني نسيتك بس مدري كيف تاصلي

ــــــــ

خذاني لك سؤال في عيونك والجواب محال

خذاني منك دمعٍ في عيوني مرضى ذلي

ـــــــــ

رحلت أنت وتركت بخاطري طيفك وصبرٍي طال

غدت ذكراك شمسٍ ما تغيب وصورتك ظلي

ـــــــــ

حكيت وما لقيت من ألحكي ألا الندم موال

سكت ومت بالحسرة ولأدري وشهو أحسن لي

ـــــــــ

احبك كل ما فيني يحبك يا خلي البال

تخيلتك دواي وصرت جرحي الصعب يا خلي

ـــــــــ

تعبت الرحل مع وجيه البشر بنساك بترحال

والادري وش يجيبك في وجيه الناس واهلي

-----------------------------

قالت قدر

قالت قدر وقول يومك تبيني 00

غصبن على الدنيا يدك في يديني00

لا تظلمين الوقت وش ذنب الأيام00

لا تظلمين الحظ لا تظلميني00

غديت مابين ارجا فيك واليأس00

هذا يبي مني وهذا يبيني00

إن قلت شمت وخاطري طاب كذاب00

وان قالت أبيك الرخصت نفسي بعيني00

خيرني أمري بين أصعب خيارين00

موتي أنا أو موت الحساس فيني00

لاكن زماني المر علمني أني أموت محني لجل قلبي جبيني 00

والله ما تلقين حبي مع الناس روحي وها لأيام بينك وبيني.

-----------------------

الليله احساسي غريب

الليلة إحساسي غريب ..

عاشق وأنا مالي حبيب ..

حبيت .. كل الناس لاموني

حبيت .. كل أحبابي باعوني

قلت أحب الحب أحسن

قلت أحب الحب أضمن

لا أحن .. ولا أتوه

ولا بعد في يوم أحزن

رضيت بأقداري ونصيبي ..

صرت محبوب الحبايب ..

وصار كل عاشق حبيبي ..

الليلة غير .. شعوري غير .. أشواقي غير ..

حتى الأغاني غيييير ..

صدري سما .. وإحساسي طير

---------------------

تنهيدتين ونار

كــلّـمـنـي عـــنّــك
أبـعرف كـل شـيٍ عنّك منّك
قــلّـي وش أول جـروحـك
قلّي وش آخر أمل ترجيه روحك
إحــكـي عـــن طـبـعك
وعـــــن ربـــعــك
عــن الـلـي يـهزّ دمـعك
قـلّـي وش مـعـنى الـحـياة
قـلّي بـأنفاسك متى قد قلت آه
إحــكّ لــي عــن الـحب
إحــكّ لــي .. إحـكّ لـي
إحــكّ لــي عـن الـشوق
طــر بــي فـوق .. فـوق
خـــذنـــي مـــنّــك
وإحـــكّ لــي .. عـنّـك
الــــــصــــــدق
إن الأمل من قبل أعرفك .. كذب
والـتـضـحـيه أوهــــام
وإنـي أنـا مـن قـبل أعرفك
كــنـت أعـــرف أنــام
كــان الـسهر مـو هـالسهر
لـعب .. و أغاني .. و إختصار
صـــار الـسـهر تـفـكير
صـــــار إنــتــظـار
صـــــار إحــتـظـار
صـار السهر .. تنهيدتين ونار
* * *
يـــا مـنـتـهى أمـــري
بـالهمس قـلّي مـرّه يا عمري
وطــر بـي فـوق .. فـوق