مجموعة اشعار الشاعر طلال الرشيدي2

من طرف **معاد الجبوري** 12/15/2007, 12:33 am

رثاء بالامير احمد بن سلمان ال سعود

يالله هز الصدور ...وثبت اهل القبور .....
.الين نرضى ...وبقبور الحبايب عمار

يالله ماكل هم ..تحتمله الصدور ...
....لاشك الايمان ثبت قلب راع الوقار

ياالله والموت سنة وانت بس الغفور ..
..تغفر لاحمد.ومن يبكي على احمد وجار

ياالله حنا فقدنا ضي ظلما ونور .
...ياالله حنا لقينا الليل ....جب النهار

يااهل النعش وش حملتوا غير نجم سفور ..
وقبله فلا حسب نجم .....بالثرى له مزار

ياهل النعش وش حملتوا ....هو طويق يبور
ويخلي اللي بنو بظلال شمسه ديار

يااحمد تركت الحبايب يندبون الدبور
يااحمد لقيت الحبايب ...عند ربك خيار

ياالله وش نذكر احمد ..غير طيب مخبور
ياالله وش ننسى للي ..في عطاه اعتذار

وش باقي الابذكره الصدور الشعور
وش خلص الا الصبر والفرح والاقتدار

وش راح غير الرفيق الهيلعي الغيور
وش جا..سوى بالحنايا جمر سمر ...وشرار

وش نام "بالعود "غير حصان ربعه ..جسور
وش قام بالصدر غير الحزن ...قومه مجار

امين جعله كثر فعله يحصد البذور
وتسكنه عالي الجنه ونعم الجوار

ياالله والموت سنة والليالي عبور
ادري ..وحنا عبيدك كلنا بانتظار

------------------------------------------------

مرثية بمحمد الدره

اذن الطفل محمد فجر صبح الشهداء

وانجلى من ساره النور كطهر الانبياء

هذه الشمس تشوق القدس شوقا للشروق

سوف تجلو ليل ظلم طال عن طول شقاء

حي ذا الاسم محمد اسم نبراس الورى

اخر في الانبياء اول اسم الشهداء

اعزل بالخوف يستجدي بضعف والم

قتل هذا الطفل يدعونا بصدق للفداء

لاتنادي يامحمد نحن في رغد نيام

لاتنادي يا محمد لم نعد نصغي النداء

امه نحن كثير لا تجارينا الامم

غير انا مثل ماء البحر لايرويك ماء

اي صخر في الحنايا في حناياه اقتدى

لم يزل فينا بما فينا يداويه الرياء

اي ضيم ولم يحرك ساكنا في ساكن

اي روح لضمير مات فرط الانحناء

اي قيد كبل النخوات واقتات الهمم

من ترى السجان مادمنا جميعا سجناء

صوره تدمي قلوبا ما لأهداها دواء

عندما اغتالو محمد هللت حتى السماء

-------------------------------------------------

الى صديق الطفوله

صديق الطفوله وش جرى لك مع الايام هي انصفت دنياك ولا انت بك مثلي

فقدنا ملامحنا مثل ساير الانام عبث بنا جور الزمن والزمن يبلي

وقفنا جميع وبيننا حاجز الاعوام صعيب وصولي لك ويا صعب لك وصلي

وانا اشوف في وجهك طريق غشاه عتام وذاك النخل واشوف دارك ودار اهلي

وسدره هي اكرم من اهل بيتها اللوام وفي وجهك اصحابي عصى مدرسي وفصلي

وعود كبير ودايم فالظلال ينام في ذكرياتي له بعد ملمح وجلي

وصوركتبنا فيه ذكرى عبث واوهام ولي في عيونك صوره زانها جهلي

بثوب تبلل بالمطر والتراب وشام وانا حب اسير العب وهي حافيه رجلي

انا وانت طفل وطفل دايم رضى وخصام بكانا سهل والضحكه امر بعد سهلي

دعاني بوجهك ناده ينده الاحلام معه رمح مدري هو علي غاضب او لجلي

انا كيف اباصل والامل خلف مو قدام كثير الاسى والسهد يا من فعل فعلي

------------------------------------------------------

لحن بدو

حنا ولامن قلت حنا تحنا كل الكلام بعطر تاريخ الاجداد

المجد هم وهام فينا وغنا حتى علينا من على روس الاشهاد

ياكبر حض اللي نخانا وثنا نشد له فوق الفخر سرج وشداد

ان هلل التاريخ غطرف وطنا وان سولفوا عنا رجاجيل واجواد

وان بان لك شمس ترى ذيك حنا نشرق مدام الظلم ظلما وحساد

يابنت يمي كان رمشك تمنا واشق لك ثوب السما جود وعناد

واشد لك زمل بجفن المعنا واسري بوجهك لاغشى وجهي سهاد

ياحلو قدك يوم قدك تثنا محد تغنى فيك من خوف الالحاد

حنا البدو يابنت هذا لحنا نحبك اكثر لاغدى حبك جهاد

وحنا البدو يابنت لامن نخنا بناتنا يثالث العيد الاعياد

وحنا البدو يابنت وان قلت حنا فاح الكلام بعطر تاريخ الاجداد

-----------------------------------

عبد العزيز

لي ولد له صوره في قلبي تملا البراويز

حر شجاع نادر ماهو لزيز اغليه واحبه كثير

وانا بعد عنده عزيز على رضى امه وابوه وجدته دايم يحيز

افتخر به بالعلم واللعب دايم ماينغلب

ولانه بقلبي عبدالعزيز سميته باسم الاخو

باسم الابو وباسم جدي والفخر عبد العزيز

---------------------------------------------

أموت من فرقاك

اموت من فرقاك واموت بلقـــــــــــــــــــــــاك

واموت من جورك واموت بحنــــــــــــــــــانك

كل قضاه يموت مرة ويـــــــــــــــــــفــــــــداك

وانا اموت الفين مرة عشـــــــــــــــــــــــــانك

اذكرك لامني نسيت اني نسيــــــــــــــــــــــتك

انساك لامني ذكرت نسيــــــــــــــــــــــــــــانك

رضيت انا بالهم لرضاك مرضـــــــــــــــــــاك

وارخصت لك قلب جرحته وصـــــــــــــــــانك

اجيك في صدري عتاب وابجفــــــــــــــــــــاك

وارجع الوم الوقت واقول خانـــــــــــــــــــــك

احب فيك احساسي اني بلامــــــــــــــــــــــاك

في عز خوفي منك احس بامــــــــــــــــــــانك

عجزت افرق بين وصلك وفرقــــــــــــــــــاك

ياالي عطيت الناس بيدك عنانــــــــــــــــــــك

مر تجي الين اقول اني ايـــــــــــــــــــــــــاك

ومر تروح بعيدوانســــــــــــــــــــــــى اوانك

اقبل وتقفي واعتذر عن خطايـــــــــــــــــــاك

واقول ماعييت عيا زمـــــــــــــــــــــــــــــانك

وان خانتك دنياك اوخنت دنيــــــــــــــــــــاك

ارجع وتلقابي مكانك مكــــــــــــــــــــــــــانك

----------------------------------

أنا راحل

أجمل رحيل ما يوصلني إلى قافلة

من القوافي أعود بعدها ..مليئاً بالشعر .

أنا راحل

وتارك كل شي

جمعت من ذيك العيون أحلى المعاني

وونيت مع صوت المعاني

وبشويش ..وشوشت الشعور

ريش تبلل .. وانتفض عصفور

ولما وصلت لكل شي

دريت إني ما وصلت لشي

اخترت أصعب رأي

أنا راحل ..وتارك كل شي مني وراي

***

تعبت

والدنيا عيت تستريح

يا صاحبي

القلب يمكن ينكسر

بس أن راسي ما يطيح

ولو قلت لك إني جريح

أخاف تفهمني خطا

وأخاف تفهمني صحيح

يا صاحبي .. أنا على سكوتي تعلمت

وما ندمت

ولو طال بي مسراي

***

الدنيا ما وقفت

مسكين يا قلبي

.. وهو يلتفت

أقسيت أنا .. وهو يلتفت

***

باقي رجوى

تشبه عيون الصغار

باقي لك في القلب نجوى

باختصار

باقي كلمه

لصاحب الطرف الكحيل

أنا راجع أقول إني أحب

وابعثر هموم الرحيل

يتبع..........................