قصيدة هسة اجيتي

من طرف **superman** 10/12/2007, 7:19 pm

دراما شعرية بين حبيبين

هو : اشذكرچ بيه وأجيتي ..
وين صار سنين ..؟؟
ما مرت ولا نسمه اعله بيتي
اشذكرچ بيه ؟؟
بعد هاي السنين ..
أنتي مو أصلاً نسيتي ..
دورت بين الدفاتر .. إبين طويات الهموم ..
بين أحلامي القديمة ..
وغافية انتي وما دريتي ..
وهسه اجيتي ؟؟
هذا بختي الجابچ انتي ..
آنه وياچ اعله نيتي
وما نسيتچ .. انتي يمعوده النسيتي ..

هي : آني ..؟؟
وتگلي نسيتي ..؟؟
انت ما تعرف الصار ..
آني بعدك …
شجرة ماتت .....
والغصن ذب الخضار ..
وصار ليل العمر كله ..
وعاند ابجيته النهار ..
وآني لتگلي نسيتك ......
انت ما تدري بالصار …

هو : شنهو الصار ..؟؟
انتي مو عفتيني سكته ..؟؟
ولا سألتي … ولا اظن اسمي ..
خطر مره عليچ …
ولا ذكرتي أيامنه ..
وگعدة الحلوة ..
ولا أديه .. الشابگت بالحب اديچ ..
وچ ليش ..؟؟
مو آني احبچ ..
بس شگلچ ..؟؟
آني اعتب على روحي ..
وما اريد اعتب عليچ ..
هي : لا حبيبي ..
اشلون انسه ..؟؟
وهو ياهو الينسه عمره ..؟؟
اشلون أنسه ..؟؟
وهي كل لحظة العشتها وياك ..
ذكرى ..
اهنا گعدنه …
اهنا مشينه ..
هنا نزل دمعي اعله خدك ..
گطره .. گطره ..
چان گبلك ليلي مظلم ..
ومن عرفتك ..
گمت اشوف الدنيا گمره
أشلون أنسه ..؟؟
هو ياهو الينسه عمره ..؟؟
هو : لا ....
انتي بعتي ايامي .. واحلى الذكريات
واني ضميتچ بروحي
ورسمج ابعيني يبات ..
صدگي لو رايد اعوفچ ..
چان عفتچ ..
يمي اشكال البنات ..
بس لأن اني احبچ ..
وأحس بس وياچ ..
تحلالي الحياة ..
مسامحچ عالهجر ذاك ..
هسه فززتي العشگ ..
من السبات …