الى كل شهيد عراقي

يـلبعـمر الورد شاب انـته واغـتالوك
كـل ظنهم تطيـح وما يـظـل صبـرك

بـقـيت انـته الاسـد والحـاربوك انذال
فـضـلت الشـهـادة ومـا درت ظهـرك

امـس مـن جيـت لاهلك والفرح وياك
رايــد تـبـني بـيـتـك تـفـرح بـعـمـرك

ما تـدري الـذيـاب الـغـدرتـك بالـلـيل
نـهـشـو بـيك خـوية وحضرو كـبرك

لـكـن ما تـخـاف وانـتـه ابـن الانجاب
وكـفـت بـزود للـنار افـتحـت صدرك

صحيح امـك تصيح البيت كله هموم
بـس دمـعـة حـزنـهـا تـاخـذ بـثـــأرك

كـل ذنـبـك عـراقي وهمهـم يـدفـنوك
وحـنـوك بـرصاص وبالـوجه مهرك

بـس هـمـه الـنهـاية الـتـنتـظـرهم نــار
وانـتــه حـسيـن يـمـك جـان يـنـتـظرك-


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بلادي وان جارت علي عزيزة واهلي وان قسوا علي كرام

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الوطن واحد مالة اي بديل وهو العراق وشعبه الاصيل

شنو هالابداع عيوني عاشت ايدك ياوردة