الشعر الشعبي العراقي

من طرف كاسبر 10/6/2007, 2:54 pm

هذه مجموعة من الشعر الشعبي العراقي

ما مرتـــاح

كاظم إسماعيل الكَاطع

ما مرتاح .. ما مرتاح .. مامرتاح

عيوني تستحي بس الدموع إوكاح

ما مرتـــــــــاح

منٌك.. منٌي .. من الجاي من الراح

ما مرتــــــــاح

عركه وي الزمن ورجعنه مكسورين !!

وبعيده المسافه وينٌسي اللٌي طاح ..

ما مرتـــــــــــــاح

لأن شفت الشمس نزلت تبوس الكًاع

وبكف الطفل تنلاح

ولأن قاضي البلابل مدٌد التوقيف

ومفتوحه السِما

والفيل عنده جناح

ما مرتـــــــــــــــاح

لأن قفل المحبه إنباكً

وِترهٌم عليه مفتاح

ما مرتــاح

متروك بجزيره وتيٌهت بالليل

وإجو ربعي عليٌه بقافلة أشباح

وإنته إشبيك ؟؟؟؟؟

لمٌن دافعت عن نفسي صابك غيض

مو حتى الكًنافذ من تحس بالخوف

تستخدم جلدها سلاح !!

ولا جن الفجر مثل الفجر محبوب

لون الفجر صاير يقبض الأرواح !!

ما مرتـاح من ربعي ولا مرتاح

تمساح إبنهرهم صاحو من الخوف

وجازفت بحياتي من سمعت إصياح

!!! صارعت المنيٌه وبيده هزني الموت!!!

ومدمٌى إطلعت :-

صفٌكًو للتمســــــــاح

كل هذا وتريد أرتاح

ما مرتـــــــــــــــاح

ما مرتاح من ربعي ولا مرتاح

نادوونـي.. وركضت إبليــل

إيد الرسن بيها وإييد بيها سلاح

عثرت مهرتي ... وربعي قبل ما طيــح

واحد كًال للثاني

أبشـــــرك طـــــاح

أبشــــــــرك طــــــــاح

********************

للشاعر : ابو فاطمة الرويمي

يا وطنا

ياو طنا

يلي بيك احنا انولدنا

ومن ثدي دجله اوفرات اشكد رضعنا

ياوطنا… شكثر بربوعك كعدنا

ومانسينا… شكثر فوك ترابك المحبوب نمنا

ومن نسمعك تندب انت او تستغيث

ايزود ويغركنا همنا

لجل حزنك ياعراق احنا حزنا

ومادرينا… ذياب يبلادي الغزتنا

ومادرينا… شلون باكوها شمسنا

ياعراق…. سنين ضاعتبين حسرة وآه ومصايب جرعنا

ومايفيده ضماد لا لا

ولايفيده الشد جرحنا

وهذا حدنا

كافي ذله

وياهو بالعالم جرع ذله مثلنا

شلون ننذل

وحنا من حسين جم ثورة اقتبسنا

وهذا حدنا

اليوم يعراق انتبهنا

اليوم اجينا امسلحين

وبسم ابو السجاد نهتف

عالي ايرفرف علمنا

زلمك احنا

…او مايهمنا الموت لجلك مايهمنا

ياوطنا

…لجلك اتهون الحياة

او لجلك انضحي بعمرنا

عهد منااولازم انوافي ابعهدنا

ياعراق….

.مانساوم بيك بس انت املنا

رجالك احنا امحزمين

او موت بالعزة كصدنا

لازم انحرر ربوعك

ونسكي اشجار المحنةابفيض دمنا

شلون نغفى

وانت يابو الخيرمحروم المحنه

شلون تغمض عينااويطبك جفنا

ونت بين اعداك يعراقي ذليل

عيب نومتنه ابمذله

شلون وعلى الذله نمنا

ماهو عيب الجان هاجرنا وبعدنا

العيب كل العيب

لو يسكت تفكنا

وعار كل العار لو يخلص فشكنا

ياعراق…

لاتصيح ارجالي وين

احنا كبل الصيحه شدينا حزمنا

ومايهمنا

…حت لو ميت الف طاغي اويزيد

يعود بيك
نسير ونواصل هدفنا

حتى لو كل احنا متنا

لجن من نسمع ابصوتك تستغيث

انكوم ونشكك جفنا

ياعراق

ٍِ

لازم ايطر من بعد ليل الظلم بالعز فجرنا

ولازم غيوم الظلاله

انزيلها او تطلع شمسنا

ياعراق…

ارجالك احنا

مانهم لو الف بركان اليفجرونه ابدربنا

لازم انحقق هدفنا

لازم انحقق هدفنا

**********************

بغـــــــــــداد

بغداد يمكحـٌـله يم ركًبة الحلــــــــوه
مبيـوكً ليش الفرح من شفٌتج كًـــــــوٌه
***
بغداد نجمة صـــبح وإلليـــله دخلتـــها
إكحيــله وشبكًها الهوه ونام وي كًذلتــــها
***
بغـــــــــداد ليش إبدمع تتطرٌز إخدودج
مو إنتي أم الفرح منهو الكِســَر عــــودج
***
بغـــداد شهكًة مُحِبْ فَز ولـكًه أحبابـــــه
وتحمٌــرت شفـٌتج بالدم يحبــٌـــــــابه
كًوليــلي يمته الفرح يفتح لج أبــــــوابه
***
جـِبنا إلج إلزفتــٌــج حنـٌه و ورد وبخــور
شفنـــاج حِزمـَة ضـوه ومطـَعُمٌه إبٌـــلور
طلقه وعشكًها الزمـَر بس تبتسم له إيثــــور
وإشمحْلـَـه عِرس التفـَكً لو هلهل الشاجـــور
***
بغداد ضحكة شمس!! بغــــــــــداد هلهوله
بغـــداد ليش الدمع صاير إلج ســــــــوله
كًوليـــلي شنو هالصبر جا خلـكًج إشطــــوله
***
بغداد إنتي الأمل !! بغــــــــداد إنتي الحيل
لازم يجيـــلج صبح مهما يطول الليــــــــل

***********************

لشاعر راضي الغزي

بعدني بخير
بعدني ابحيل يتلاوه الحديد وياه
بعدني ابعين المحبين شاب هوايه تتمناه
بعدني مقــّدر ومحسوب بين الناس صاحب جاه
بعدني مشجل ابحيلي ولا فد يوم اكًـــولن اه
بعد ما رجفن اضلوعي ولا بالجله اكًـول اشاه
بعد ما ذبني وكتي ولا لذت بحمــــــاه
بعدني وما عثر جدمي شجاكم صحتوا حيل وياه
الف وسفه وصلنه الهل وكت وبعيــّنه شفناه
بعد ماكو محنه ولا اخو التنخاه
ولا ابن الوفي للخــّلفه ورباه
ولا صاحب صديج تامن ابممشاه
صدك يمشي النمل للدبك يتعناه
وصدك يتخربط الموزون من تمشي عكس دنياه
وصدك شدة النار اتفسـر المكًــلاه
وصدك ولية خنيث الدنيه للتولاه
بس البيه عزم ما تنثني يمناه
يحـّسـب للقدر وبحيله يتلكًـاه
بعدني هنا .... بعدني بخير
عايــــــش والحمد لله

**********************

عبد الهادي المنــــٌاع

آنه بس ارد افتهم

شنهو هذا

هاي عيني تشوف لو آنــه بحلم

شهالحلاة شهالجمال شهالانوثة شهالغزال المبتسم

انت لوحة انت صورة البلخيال وتنرسم

انتي يا نصب الجمال و بيك كل معنى واسم

انتي هم من طين مثلي وماي مخلوقة وجسم

انا بس ارد افتهم

انتي رحلة شوق بقلوب الزلم

انتي سالوفة وحجي الماينكتم

إتـكَــٌلي شـُوف

شبيه عيب انا بس ارد افتهم

بيـٌه شي المنثلم

وارد واصفن

عمي بس طرقاعة انت

شوصف بجسمك شذم

ملحك من الراس يفتل للجدم

انت وسفة تمسك كفوف وعلى شفافك شوارب تلتحم

انت سر الحسن عندك واليقرب ينرجم

شلون جرك حبل راعي

انا بس ارد افتهم

ودوم ما راح افتهم

*********************

الشاعر راضي الغزي

مامجبور

مامجبور احط رأسي على صدرك واكشف المستور
ولا مجبور اغني ... والجنح مكســور
ولا مجبور اشيلن همك وهمي وافتر فـرة الناعور
ولا مجبور اصيرن سندباد اتخوض بيـه بحور
بس مجبور اتلاوه ويه روحي واكتم اسراري
واكتل كل ثنايا الطيب خاف الطيب يولد عندي بافكاري
واشير الروح ياهو الرايده اختاري
انه الجانت شواطيي تناغي الروج والجاري
وانه الجانت تسر الصاحب اخباري
تعبني الزمان او جار حيل وياي... وكتي وهدهد اكتاري
ورافكني التعب من رقة اضفاري
بس ... كافي ... عرفت منين دربي اوين معباري
بس .. طلعت شمس كشفت زوايا الليل والمستور ظل عاري
ماريدن اصيرن للسـوالف شـير... ولا ريدن اصيرن بالعشك ساري
مسطاح المحله وفوك جبدي اتدوس ..خذت صافي الحصاد وظل الي الذاري
بعد ما ظل قلب يحمل مرار وضيم ... ولا يعزف بعد للعشك قيثاري

*******************************

يتبع

[size=16]

[size=21]إعلى صدرك مشتهي النوح

كاظم إسماعيل الكَاطع

أريد أبجي إعله صدرك مشتهي النوح

و أريـد أكَعد إكَبـالك وأحسب إجروح

ومثل الطير من يودٌع الروح

جاي أركَص إبابك ركَص مذبوح !!

إهي كسرة عظم ماتجبــَر بيوم !!
ولا دورة سنه وآثارها تروح

كِسروا واهسي وخلوٌنــي مالوم
وخايف عله عيوني بالبجي إتروح
كنت آمر وأنهي وصاحب الراي
يوم أييـــدي طويله وجيلتي إتلوح

أريــد أبجي إعله صدرك مشتهي النوح
وأريد أكَعد إكَبــالك وأحسب إجروح

أريد أركي أعله صدرك راس تعبــان
وأسولف عن عذابي وغربة الروح

جاي أنزع إبجـَفٌك سهم الأصحاب
تبروا من طحت عافوني مطروح
سحكَوا فوكَ راسي وجرهم الخوف
ونزلو للوحَلْ من عالي السطوح
ويوم إلليٌ شفتهم وكَعو إبٌيـــر
نزلت وساعدتهم وآنـــه مطروح
ويوم إللٌي شفتهم نزفو إهــواي
كَمت إنطيت دم واحلبت الجروح

أريد أبجي إعله صدرك مشتهي النوح
وأريد أكَعد إكَبالك واحسب إجروح

*****

مظفر النواب

جذاب

1964

ردتك ولو جذاب

ردتك

تطش بعمري

صم عتــاب

ردتك

ولو شباج

يملي حياتي تراب

ردتك ،
ولو صبيره حمره
تفي وجهي
من حجي الغياب

جذاب
جذاب يا ثعلب عنبنه الترف

ونعزك ،
ولو جذاب

دكيت بابي
وعشيت بابي فرح

والخشب

عطب

ذاب

خدي اشتعل
والروح شبت ورد فلفل

والتراجي ،
ذابن بتيزاب

وأصهلت

مرجحت الكصايب

ياحبيبي ، ياحبيبي ياحبيبي

ومتت مثل الباب

جم دوب !؟

مو كلنه الكلب بطل
ومنك تاب ؟!!

جذاب ياكلبي يثعلب من كبل جذاب

*****

كريم العراقي

إتحلمت... والحلم طال
جن كمر بيد الأطفال
والشوارع من حرير
والنخل علو الجبال
كل محب عنده حبيبه
وكل وجه بعيونه طيبه
واحد يصافح الثاني
والخبز لون الأغاني
والبيوت معرسه كلها
وماكو للدمعه مجال

*****

الكاتب
مكرم الشدوخي

الغربة مو كلام ودوم نحجي
الغربة ذلة وياهو جربها
لاهلك والعشق انتة يمتة تعود
وتناظر للحدود ويمتة تعبرها
بأرض الغرب ماتلكة لك احباب
لان احباب الصدك مو مل صبرها
دموعك بالغرب لاتهمل بيوم
احمل هالدموع ولاهلك اهدرها
مو من الحزن تبجي هالعيون
تبجي من الفرح والحسرة جرها
على كل يوم برة الوطن ظليت
وشفت الغربة انتة وجربت مرها
وعل الحبيبة التناظر يمتة انتة تعود
وتتلاكة وتشم انتة عطرها
لان تكعد بارض الغرب مهموم
وماتحوي وياك بس انت صورها
على كل يوم عدى وما شفتها هناك
او ولا شفت الحسن ودورة خصرها
وعلى ايام القضتها هي بس وياك
بالليل الصبح وانت بفكرها
ارجع لامك انتة ولاهلك الزينين
وخل امك تعلمك دوم من درها
اه يارغريب الاهل والارض والاوطان
ارجع للحبايب وارجع لبيتك
ارجع بعدك ابن الحسب وانساب
لان بالذل والقهر مو هاي تربيتك
اصحابك تذكرك ودوم بس عالبال
طاريك وعطفك وحبهم وحنيتك
ارجع لاتعوف الحلوة لهناك
لان انت عشقها وهي حبتك
من غربتي...
احن وابجي واعاتب من غربتي
على مفارق اهل وهم من غربتي
يشمس الصحبة انتي من غربتي
تهت ولا احد يتشد علية

*****

عـذية

تأليف الشيخ عبد الأمير الحيدري

يا إخوتي قد دهتني اليوم كارثة و ارجوكم اتسكتون و احـچي القضية

عيناي قد نظرت حوراء سافرة تشبة البدر التام من يشع ضيّه

لقد رمتني بسهم اللحظ عامدة و انصبت يلخوان بسهم المنية

حتى وقعت جريحا ليس لي رمق و اشتفت و كحه العين مشمته بيّه

تبسمت و انثنت في الحال قائلة چا عفتك و ردّيت لاچن خطيّه

كلمتها بضعيف الصوت ملتمسا داوي اصوابي أرجوچ ياآم الحمية

قالت تمازحني لا تدعي كذبا حيله او چذب دعواك ما بيك أذيّة

قلت اتق الله ان الجرح فی ?بدي لو متت گومي اتريد منچ إدّية

ثم انثنت ببنان ال?ف تلمسنی و تشمنی بالخدين او تفرچ بديّة

عوفيت عندئذ بالحال من سقم و الجرح تك او طاب من دنت ليّه

فقلت يا ضبية جودين في قبلة گالت لي إنت ليش نفسك دنيّة

لا أقصد السوء في تقبيلك أبدا لاچن ميانه اعليچ آو عين النبيّة

قالت إذا هكذا اني سمحت بها خاف العريضي ايفوت عجّل يديّه

لما سمعت بهذا القول من فمها فرحة ابرعب عضيت خد الوفيّة

قالت و قد عضيت مهلا بلا عجل چنّك صلب طمّاع او عينك جويّة

فقلت يا منيتي لا أبتغي طمعا لاچن ابغير اشعور غصبن عليّه

يا منية الصفح أرجو الصفح عن طمعي آني اعتديت اعليچ وانتي البريّه

قالت عفوت و إن العفو من شيمي بالك انّوب اتعود لا تجني سيّة

قالت إذا شئت وصلا فات منزلنا واگصد بحجّ الضيف وكت المسيّة

فقلت لا علم لي في حيكم أبدا ماندل وطنكم وين وصفيه ليّه

قالت بوادي الظبى أبياتنا ضربت كلّش بيوت كبار فرهه او ضويّة

فادنو إذا نظرت عيناك أكبرها مربوطة بيها الخيل و ضيوفها ميّة

واجلس اذا جئت تلقى كل مكرمة و تحصّل المگصود من غير أذيّة

ثم افترقنا و سارت نحو منزلها وآنه انتحب ردّيت واصفج بديّه

بقيت أسأل عن وادي الظبى شغفا گالوا لی درب ابعيد گطب او ثنيّة

إياك فردا في مفازته خذ لك دليل اوياك وكت المسيّة

فسرت في كبد البيداء ليس معي غير الفرس و السيف و البندقيّة

بقيت سبعة أيام بكاملها آكل حشيش الـگاع واشرب أميّة

حتى وجدت ذئابا ملؤ أودية خلصني منها السيف و الماطلية

حتى وجدت خيام القوم شاهقة من بعد چنها اجبال فوگ الوطيّة

لما رأوا فرسي للبيت مقبلة جاني العبد مسرور يركض إليّه

نزلت عن فرسي و القوم كلهموا گامولي فرحانين رحبوا بيّه

حتى أتاني رئيس القوم عانقني و بصفه حطلي اشداد او راعي الثنيّة

جلست حينئذ في جنبه خجلا حس او نشدني او گال سولف النيّة

*******

ولمظفر النواب

مطر

مطــر مايســوَه المطر

أصفن إسنيـن العمـــر

ما مطــرَن أيــامَكْ علَيـــٌـــه

ومن جريــب إتعلمـٌيت الناس سَمـٌيـتك

مطـــر

مثل المطــــــر

لملِميـتْ الروح قدٌاح الحديقه الغاد من النوم

حظـٌرت السطح

وبدمعي جٌـــواٌني المنــاطـَر

جـَنها مطرت مثل كذبـاتكْ أمس

زخـٌات مابيهاش يحبيٌبْ مطر يـِسوه المطر

شَكَكَتْ كل الكتبته

ورٌقيــته إبعَذب ريــجَكْ

دفتر إيناغيــك من إزمــان

مايرضـاش واحد غيــرك إيوَرٌقني

من كل البشــر

صِـدِكَ مطرت

!! لكن إحنه ولارذاذه وخضـٌرينه

وباجر إيشوفون فوكَ السطح

وردة ليـــل

سكتـــه

ومدري شنهي

مشط .. ومرايــه إبوسطها إثنين

ضاعو بوس ما منهم خبــــــــرْ

الام

ضـِلعَكْ منْ رجيـته

إلضِلعي جَبـٌرته وبنيــته

يَبنـي إخذني إلعُرض صدرك

و أحسب الشيب اللي من عمرك جنيته

يَبني طِش العمى بعيني

وجيتك بعين القلب أدبي على الدرب المشيته

شيلة العلاكَة يَبنـي

تِذكر إكتـافي بلعب عمرك عليهن

سنة وجفوفك وردتين على راسي

وبيـك أناغي كل فرح عمري النسيته

يـَبني شوفك يبعث الماي الزلال بعودي و أحيا

وانه ميتة

أبيض عيونك لبن صدري

وسواد عيونك الليل اللي عد مهدك بجيته

وأبنك التوه يناغي الخرزبالكاروك يابني

كَـِتله لاتخاف اليتم جدٌه

كًـِتله يابن وليدي من يجبر على الأيام

تلكًـه حزام ابوك الماطواني وما طويته

تلكَـه منه خطوط اضمهن حدر ضلعي

لحد ما موت بعز على السر الحويته

ياعمد بيتي وكَـمر ليلي

وربيع الشيب والعمر الجنيته

جيت اهزك يـاعمد بيـتي

يكون الدهر ظعظع عظم منك للمِـذَلـٌه للخيانة

وساومت جرحك على الخسة وخفيته

يابني خلي الجرح ينظف

خله يرعف

خله ينزف

يا بني الجرح اليرفض شداده

علم ثِـوٌار ويرَفرِفْ

يَـبني إبن الكلب يرضع من حَليـبي

إو لا إبن يـرمي إلـي خبز البراءة

يابني ياكلني الجلب عظم ولحم

وتموت عيني ولا دناءة

يابني هاي ايام يفرزنهـا الكَـحط أيام محنه

يا بني لا تثلِمْ شَـرَفنـا

يا بني يا وليدي البراءة تظل مدى الأيام عفنة

تدري يابني بكل براءة

كل شهيد من الشعب ينعاد دفنه

وخلي ايدك على شيبي

واحلف بطاهر حليبي

كَـطرة كَـطره

وبنظر عيني العميـــتَه

[/URL[/img]