شكد حلو من تجي صاحبتم على بالك بالفطور

من طرف محمد السامرائي 10/5/2007, 6:39 pm

الحب والاحساس هو سلامي للجميع
ليش لان منبع ذاتي هو عاطفة تهب نسمه عليكم
وبهذة اليوم الحلو
شكد جميل من تفطر وحبيبتك تجي
على بالك وتحط الخاشوكه وتتذكرهه
وشكد حلو من تاكل حلاوة وتكول هاي
الخاشوكة بحلك حبيبتي وتحس انت فرحان
وشكد مكروه من امك تصبلك جاي
وتحط شكر زايد وبعدين تشيل قوطية الشكر من يمك
لان شافتك جوعي
يا اخواني اللطفاء وكلمة اللطفاء
اقتبستهه من شاعر المرأة نزار قباني
يا اخواني اللطفاء من تشوف حبيبتك
اتخيل انت عايش بكوكب فليد
لان اللي حب ماريا ابوههم استلك يلا نسقوا وياهه
حتى فيكا طلعلة كرون من وره الحب ....
حب وحدة واخذ منها بوسه بس شلون بوسه
تخلي كرندايزر ينكلب فخري العقيدي
يا شباب ويا شابات تره الرومانسية حلوة
اذا تكون من الطرفين معقولة
والكلمات الناعمه تلعب دور واكبر دليل
على ذلك هي قناة فينوس
والارقام اللي تندز عن طريق الاس ام اس
البارحة اني ودافطر كلبته على هاي القناة الانفلاقية
وقريت واحد اسمه علاس الحب داس رقمه
وكايل بس رمشيلي ومعليج
وهي ردتله وكالت هذة رقمي واني مطلقه
واريد واحد وسيم يتصل بيه
اخرب واتكهرب على كلمة وسيم
هاي الكلمة هجمت بيوت يابو بيوت ....
لان سهام السبتي عجزت ومشافت الحب
التهت بدور الأم وهي لحد الأن ممتزوجة
في اعزائي بيك خير وغازل وانتي هم غازلي
لان حياتنه انكضت بس حروب
وتدرون خميني هم جان يحب لو لا!!
خميني هو اكبر حبجي وصادق وحدة بأيران
تصير اخت على دائي
الطول ناكه والشفه لوز وهم تعرف تضرب كلات
بس المشكلة عافهه لان خميني فحل
وهي كتكوته واخاف يلزمهه وتموع بيده
وهسة جنت داسولف ويه قناص الحشاشة
وكتله يا رفيقي الحب جميل
فقال لي طبعا جميل يا عزيزي فنحن
لوما الحب والغزل جان هسة واكفين بمسطر العماله
مال بغداد الجديدة .... تندلوا اكيد !! ...
وين كريم كنعان اكو مصبغه بصفة هو هناك المسطر
وبهاي الحالة لازم كلنه نتغزل
وكلنه نحجي بالغزل من اروح فدوة للحلوات اللي هنا
وانيق الحشاشة توقيعك وصورتك شكاكيات بقيهن حبي
واليوم اذا شفت حبيبتي راح اكلهه
مشتاقلج واحتمال انفجر عليج لان صاير بركان يحمل
قبلات لا ترحم ... اي نعم لا ترحم بتاتاً
وكلمة بتاتاً اقتبستهه من ستورم لان هو مثقف
والان سوف اذهب لافكر في حبيبتي واقول لها
احبج يا عمري وزيت حصتي....
احبج يا فاصولياء فطوري وتونة سحوري
لكم الحب اطيب من البيبسي والغزل اطيب من العصير
اروح فدوه للكيك من تلمسه شفايفهه
اخخخخخ خل افلت