اريد اكتب رسالة للحبيبة...

اريد اكتب رساله للحبيبه
ومليها بعطر كل البساتين
وباول سطر اكتب احبج
وباخر سطر هل انت تدرين؟
اذا تدرين ليش امعانده وياي
وكليبج صخر مايعرف اللين
انا بلياج ورده مفاركه الماي ومثل ام ولد غركان بس تبره الشياطين
وريد اكتب بعد وكتب وكولن
اوهل مرج سهر مثلي تسهرين؟
حاجي الكمر مثل الفاكد الراي
وصرت ضحكه يحلوه للمجانين
وبنص الرساله اكتب شلونج
يم شعر الذهب ياوسعه العين
تذكريني يحبي لو نسيتي
وخيالي هم يمر لمن تصفنين
واريد اكتب بعد واكتب وسولف
وكتب قصتي فوك الحياطين
احبج حب ماينوصف بحروف
اوصرت امدوهن مضيع المشيتين
وباخر سطر اكتب اريدج
كولي اتدللي شنهي التريدين
اهو كلبي انفتح هالصار مكتوب
وهذا الحبر من دم الشرايين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بلادي وان جارت علي عزيزة واهلي وان قسوا علي كرام