دعاء الشعب الجريح....

عبد الرضا غالي

دعاء الشعب

ما ظن حجة النواب مقبولة............... عافوا بيتهم والنار مشعولة
كل نائب اخذله خمسطعش وياه ........ واوصاف الحبربش غير مقبوله
صك غفران عندك مجلس النواب ...... وباقي الناس كلها تبقى مهموله
هميانك جبير وشعبك الجوعان ......... وافكارة بخبزته دوم مشغوله
منحه من الحكومة جماله بالدولار ..... والدولار يغري ويدك بطبوله
لايرضى محمد،لاعلي بالصار........... لاحوزة شريفة تقره وتكوله
استغليتوا مكان ومقعد النسوان ....... والشياب ظلت دوم معلوله
شربتوا من شعبنا دمعة المظلوم....... وتركتوه على جانب هذا محصوله
مو وكت السفر والناس تكتل ناس .... ستر الوادم احسن هذا لنكوله
من تفجير سيارة وقصف صاروخ .... وبالمسطر العامل دمه بطوله
ثوابك بالوطن من تنقذ الاطفال......... ومن تنصف مهجر ساكن بجوله
عليكم دعوة الطلاب والتدريس ....... والجامعه كلها سيوف مسلوله
مضبوط الحرم يرفضكم بهالعام ...... واثق من كلامي وصدك معقوله
بعد ما انتخب نائب يعوف الدار........ ويقنعني بكلام وجملة معسوله
أصدك للشعب خلي الشعب يرتاح..... واليجذب علينا امه منعوله
انا عندي عقل افرز الزين وشين..... واليخدم وطنا اله الهلهوله
عساه الوقعالك للحجيج اليوم ........ ايده على القلم ياريت مشلوله


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بلادي وان جارت علي عزيزة واهلي وان قسوا علي كرام