كلمات اغنية مو كالو جديد الوطن

من طرف **معاد الجبوري** 12/19/2007, 1:25 am

مو كالو جديد الوطن راح يصير
كبل وين الوضع عن الوضع هسه
كبل خنساء وحدة وكلهم يعزون
وهسة بكل زقاق وكل فرع خنسه
كبل ما ننسى ميت لو تمر اسنين
وهسه الصبح ندفن والعصر ننسه
وشوف الناس تحرس لا وطنة يضيع
وليش احنه الوطن ما نعرف نحرسه
هسة الدنية خربت والوطن منهوب
يفرغ بير حزنة وبيدنة نترسه
وتاهت والوضع ما تتدري صار اشلون
الشرطي والحرامي يتشابه بلبسه
كبل جانت الغيرة تعلي بينه الصوت
اشو حتى ابو الغيرة ما طلع حسه
كبل جان الامان يطب على البيوت
وهسه البشر كام يخاف من نفسه
وطن للشمس بيتي تنام بية النجوم
اغيوم الدنية كلها ما تضم شمسه
يرجع شي اكيد ويرد بينة الحيل
وتتعالى الاصوات وما تضل خرسه
اطلع يا غريب البيت لهل البيت
طاهر ما نريد اقدامك تنكسه

مو هذي الاغنيه توضح معاناة العراق و اصالتهم لو اني غلطان؟؟؟؟