اذا الفلاش مالتك(Removeable Disk) مينفتح بالدبل كلك.شرح.صور

من طرف عيون يونس 12/7/2007, 7:33 pm

هلوووووووووووو شباب شلونكم شكو ماكو ... انشالله زوينين هع ... ماطول جيت لهذا الموضوع يعني انت داتعاني مثلي من الفلاش مالتك ... بيه فايروس مدري ( Auto PlaY) شنو و حتى لو تسوي بحث عن الفيروسات صعب هاي الخطوة تحل هذي المشكلة .. تعال شوف شتسوي حتى تتخلص منها :

اول شي راح تروح عل ماي كومبيوتر ( طبعا هو من وحدة راح يشتغل بس اذا تريد تفتحة من ماي كومبيوتر متكدر _ الا كلك يمنة و Open ) و تدوس مرتين راح يطلعلك هيجي :

و بالاختيارات مال كلك يمنة راح تطلع هيجي ::: اذا ماطلعلك هيجي فأنت مشكلتك تختلف عن هذي المشكلة :::

فشتسوي هسة يابة ... تروح كلك يمنة و Open مثل ما توضح الصورة

و بعدين تختار كل الملفات مالتك المخزونة على القرص المتحرك و تسويلها Copy او Cut بكيفك اي وحدة منهن .. و حطهن بأي ملف مؤقت على حاسبتك

بعدين شنو بعد خالي ... تروح تسوي كلك يمنة مرة لخة و لازم تتأكد الفلاش مابيه اي ملف انت تريده لان راح تختار Format وهذا راح يمسح كل المحتويات ( طبعا ملفاتك ما عليها شي لان انت اصلا نقلتها و حطيتهة بمكان خاص ) وراهة راح ينطيك تحذير عادي كوللة اوكي

وراهة تفتحة عادي دبل كلك ( دوستين ) بالماوس و تحط بيه ملفاتك عادي وتروح المشكلة وطبعا اذا رجع هذا الفايروس نفس الخطوات عيدهة وكلشي ينتهي ...

اتمنى فدتكم بالشرح و شكرا على مروركم