تعود يا ريتك

من طرف **doskee_93** 12/6/2007, 11:15 pm

حبيتك وأدري صعب حبك مو سهل
ورغم كل الألغاز البيك حبيتك
خرايط لليدور عن ذهب وكنوز
وآنة بلا خريطة بحثت ولكَيتك
أول منطقة دورتك وبالحال
بكَلبي آنة لكَيتك منبني بيتك
موبس كَلبي الك آنة أنذرت يهواي
نذرت الروح وعقلي هن خدم أيدك
كل هذا النطيتك وأنتة متفكر
تمر مر الكرام ونتظر وليفك
وحتلو جيت أنة ما أظن تميزني
وما تعرفني أبد متصدكَ بعينك
نحيل آنة وهزل ظليت بس عظام
وفوكَاهة الجلد تنظرني يا ريتك
ومن يوم الهويتك زاعلاني النوم
وما صالحني أبد من يوم حبيتك
السهر بالليل لية والبجي والنوح
والنوم آنة عفتة ألعينك وعينك
وأريد من العلي الرحمن هاليوم
يجمعنة سوة وتعود ياريتك