مصاب الزهراء على لسان شيعتها

من طرف **معاد الجبوري** 12/4/2007, 5:39 pm

بمصابج اول محنتنه ______ كملت بالطف يازهرتنه
أنعادت بالطف أمصيبتنه _____ وكوم شر أتشفت بينه

**********************************
الجيل الصابج يلمكسوره _______ نفس الجيل أنعاد ابجوره
متعلم من عدهم دوره ________ حقدا عالمختار ودينه

**********************************
كنفذ عاد وابن اقحافه________ والماهاب الله ولاخافه
ردا بصيغه شمر اوصافه ______ دورين الجور مسوينه

**********************************
يازهره أمصابج فاجعنه_________ والروع البيج أمروعنه
كسرات أضلوعج توجعنه_______ مخلوقين أحنه فد طينه

**********************************
يلزهره أضلوع الكسروها ________ يوم الطف بأبنج عادوها
سحكوله اضلوعه ورضوها _______ وفوك التربان أمخلينه

***********************************
والسوط البجتافج يضرب _______ نفس السوط انعاد لزينب
من وكفت يوم الطف تنحب _______ منهو البيه شيمه ويحمينه

**************************************
يالزهره ونار الشبوها __________ وأباب الدار الضرموها
بخيام اعيالج عادوها __________ وصيوان حسين امسلبينه

***************************************
يلزهره ولو طاح اجنينج ___________ عادوها اردود ابضي عينج
ذبحوا عبدالله ابن احسينج _________ ومن دم الركبه امفركينه

*******************************************
والحبل البيه جتفوا حيدر __________ وكادوا فخرج فارس خيبر
أنشد بيد السجاد وأثر____________ وبنفس الحبل أمشبكينه

**************************************
بسم الله ودينج وانصاره ___ ضلعج لابد ناخذ ثاره
لابد يوم انشن الغاره ___ وناخذ ثارج وي مهدينه