لابو السجاد كل عمري

من طرف **معاد الجبوري** 12/4/2007, 5:36 pm

الك من عالم التكوين جنت ساجد لحد يومي
نغم بأسمك شفى لهل الروح أنيس بيقظتي ونومي

صفيت لآاجلك بمعزل وعلي شنو حرب كومي
همت بيك وعشت وياك ونسيت الكدر وهمومي

الك من الطفوله العين تهل دموع سجابه
والك جان اللسان يصيح اه ياحسين ومصابه

كبرت وياك يوم بيوم وكلبي حاسب احاسبه
انا لازم افهم فد يوم دواعي العشك واسبابه

كبرت وتنورت بأسمك وشفتك تهدي وجداني
أسكتت محجيت للوادم ولاجلمه حجى الساني

تبعتك وانت ترشدني وحبك ليك وداني
عليه أتكرمت ياحسين بسجلك صار عنواني

عشكتك ليش خدمتك ليش وحقك انت ماادري
ماادري يابو السجاد أحبك أنا من صغري

حملتك حسره مخنوكه ومحبوسه بسجن صدري
هاالحسره خذت مني يابو السجاد كل عمري