سوالف البنات بالكليه ويه الولد

سوالف البنات بالكليه ويه الولد



ابنيه وزميلها بالكليه ديحجون حجي عادي

طبعا ما اسولفلكم الولد دايخ من الجذب قصدي من السوالف الي كاعد اتكولها البنيه ............ ......... ......... ......... ......







البنيه : هاي اشلونك (هوة انتن مال هاي)ه

الولد : هلو عيني اشلونج انتي ان شاء الله زينه

البنيه : الحمدلله شكو ماكو

الولد : والله كلشي ماكو صافيه دافيه

البنيه : والله ضوجه عفيه شنو هاي حتى ما اليه واهس كلشي اسوي بالبيت بس
كاعدة(( هيه كاربين عليها اموديها ابرزالة وجايبيها ابعيطة))ه

الولد : حتى اني ما اليه واهس كلشي اسوي وتعبان كلش

البنيه : والله تعبت من الوكفه عفيه اروح للكافتريا (( خطيه اتريد تاكل براس الولد )) ه

الولد : هااااااااااا اي اي يله اروح للكافتريا (( اي ادري شنو مماكله ابيتكم قزرقط))ه

دخلو للكافتريا وشايفين الكافتريا اشلون هوسه كله كروبات واغاني

الولد : شنو تاكلين عيوني

البنيه : لا اني ما اكل بس حاكل شي خفيف اريد همبركر واريد عصير

الولد:اوكي (هاي مجوعانة وهيج)ه

راح الولد ايجيب اللفة وعصير راني اللها

الولد : اتفضلي عيوني

البنيه : شكرا

لق لق هاي يعني فتحو القواطي مال عصير راني

البنيه : اشكد طيب هذا العصير طبعا بابا ايجبلنه اشكد صناديك من عصير راني
(( هيه مال صناديك راني هو انتي مكضيته اتحللين تيستي ايد بالمي واشربين ))

الولد : الف عافيه عيوني(قزرقط)ه

طرن طرن دك التلفون مال البنيه .. الو هلو مامي اشلونج حبيبتي لا عفيه
مامي لتروحون لنادي الصيد اله اني اجي عفيه انتضروني (( هيه حتى متندل
نادي الصيد وين صاير بيا منطقه )) ه

البنيه : هاي مامي اتكول احنه رايحين للنادي الصيد اكو حفله مال حسام الرسام

الولد : اي عيوني روحي اتونسي غيري جو اشويه (( اشكد جذابه هو حسام الرسام بعمان البارحه طلع لقاء ويه على قناة الشرقيه

البنيه : احنه كل سبت والاثنين واربعاء بنادي الصيد اروح نتونس

الولد : اي عيني روحوا اتونسو (( لك هاي شنو اني كاعد ويه ابنيه لو ويه مسيلمه هاي يطلع الفيل من حلكها يضرب جلاليق

البنيه : اكول انت وين اتقضي وقتك

الولد : والله اني بين يوم ويوم اروح للقاعه مال الحديد اتمرن اشويه لو
اكعد ويه اصدقائي بكهوة ايوان نشرب نركيله وراها نلعب لعبه حلو نلعبها
مجموعات اسم اللعبه

medal of honor وارجع للبيت واكعد واسكت لو نكعد اني واصدقائي كدام الباب نضحك ونسولف



البنيه : اي يعني زين اشويه تطلع اتشوف عالم اتغير جو

الولد : انتي وين مكضيه وقتك

البنيه : اني لما ارجع من الكليه اسبح (( هو المي صارله 6 ايام مكطوع
ببغداد )) ومن اطلع من الحمام اشسور شعري (( اشسور شعرها بالاوتي )) وراها
اذا الكهرباء مطفيه اخلي بابا ايشغل المولده الجبيره مالتنا (( همة عدهم
مولدة تايكر 6 امبير وفحطانة )) وره ما ايشغل بابا المولد افتح السبلتات
مال البيت لان منكدر بدون سبلتات

على المهفات))ه ))

بعدين افتح الثلاجه احير شنو اشرب من عصاير بس اني المفضل عندي الراني (( تيستي ايد )) ه

وراها اكعد اقره اشويه واراجع المحاظرات (( تقرى شكو مجله بيها قشب ع
الفنانات)) وبعدين انام اكعد ساعه 6 ونص الصبح اغسل وابدل واجي للكليه ((
هيه تكعد ساعه 3 الصبح تبدي اسوي بروفات وعروضات وتبلط الشوارع مال وجها
)) يله اوكي شكرا على العصير لان اني اريد اروح راح يجي عليه اخويه
بسيارته الغواصه ياخذني واني اخاف ايسلبوه لان كلش غاليه (( هيه كرونه
معوقين سوتها غواصه )) وعلمود هم اروح للحفله ما حسام الرسام

هجم بيت البانيه اشكد تنفخ

الولد : اخذي راحتج عيوني وعود سولفيلي على الحفله (( خرب ببليسجن اشكد جذابات حتى مسيلمة ذبيتوة كشر من ورة تفياك والجذب ))

ههههههههههه,,حلوة