دارميا حلوة .............. اتمنى تعجبكم

من طرف كاسبر 11/9/2007, 3:53 pm

شرطه وحرس وسيام وانوبه صبات

اليرجع منين يفوت بالشارع يبات

ليل ورمي وطلقات والشرطه هوسه

لزموني كالو وين كلت ارد ابوسه

سلاني سل فركاك خلاني عوده

من كثر منسليت بلعتني دوده

رحت انه للدكتور راويته الجروح

قفل العياده وكعد يبجي وينوح

رحت للدكتور ردت اشتكيله

بكلبي جرح جبير بلكت يشيله

رحت للدكتور شاورني بسكوت

لوحبيبك يداويك لوباجر تموت

موجرح واحد هاك فنك تعدهن

حتى على اليضمدون صعب شدهن

هاك الكلب والروح هاك الجلاوي

من هجرك اريد ارتاح يابو البلاوي

يالشايل باكيت انطيني جكاره

مولازم الشخاط من كلبي ناره

اطبخ وافكر بيك ياحلو العيون

بالمركه احطن جاي حسبالي معجون

يسئلني الاستاذ اعربلي كان

حسباله مثل العام كلبي بمكانه

ثاري البنات اشكال مثل الطماطه

بيهن تخيس بساع وبيهن زلاطه

انه من اشوف هواي يختل شعوري

خدرت بالفانوس جاي حسبالي قوري