الشك

من طرف هاني الصراف 10/14/2007, 7:51 pm

الشك

هي / صارلك فتره .. تغيرت اشأجاك ..؟؟
مومثل ماچنت في أول هواك ..
گلي شنهو الغيرك ..؟؟
وشاغلك ومحيرك ..؟؟
وحده غيري .. ايجوز ..؟!!
لتظم شي وراك ..

هو / انتي ........

هي / ..... آني ..؟!!

هو / نعم .. انتي ..
انتي اطباعچ ابد مو مثل الاول ..
الشك وصل بيچ ويه روحچ ..
واحس كل حچيك تبدل ..
ليش ..؟؟
مو گتلچ عهد .. ابقى اعلى حبچ ..
گمتي متصدگين بيه ..
وصل بيچ الشك تسألين اصدقائي ..
بهذا طبعچ ياهو يقبل ..
نعم انتي .. انتي اطباعچ أبد مو مثل الأول ..

هي / يا حبيبي ..
آنه الف مرة گلتلك ما اشك ..
لا ما اشك .. بس آنه احبك ..
واليحب ايغار حتى من الهوه ..
العين هم اتخون مرات ابنظرها ..
والگلب لتقارنه ابصخره سوه ..
آنه يوم الما اشوفك .. الدنيا كلها اتصير ظلمه ..
وعيني متشوف الضوه ..
وك والله اغار اعليك حتى من الهوى ..
آنه لو بيدي ابوسط گلبي اضمك ..
وغير حبك .. گلبي بالدنيا اشحوه ..
واعترف صح آني اغار ..
ومن يهب الريح ويحّرك قميصك ..
يشتعل كل گلبي نار ..
وآنه معذوره .. لأن بس انت احبك ..
وألك بس انت الگلب سويته دار ..

__________________________________________
_________________
بلادي وان جارت علي عزيزة واهلي وان قسو علي كرام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الوطن واحد مالة اي بديل وهو العراق وشعبه الاصيل