اجمل ماقيل بالابو ذيه جديد@#@

اذهب الى الأسفل

اجمل ماقيل بالابو ذيه جديد@#@

مُساهمة من طرف header_79 في 4/11/2008, 7:10 pm

طبعك مو شجي وكتلك شجاني
اشجنيت وياك بس كلي شجاني
أمس جنت انحضن وانشم شجاني
قنفذ والحظن حصره علية

==================

القلب مارف على غيرك ولامال
خلص عمري من كثر وعودك والامال
ابد لاولف عندي يأنسنيـ ولامال
الونس انته حبيبي وهاي هيه
==================

حبك بالضلــع بسمار منــدك
وحـس كلبي يسولف بيك من دك
كمت اركـــض عالنقال من دك
لان ادري العزيز اتصل بيه
==================
صرت مرهون حبك وانت راهن
وعليه ايام هجرك ون تراهن
تجي مره انتواجه وانتراهن
منو الاكثر يحب ويود اخيه
=================

للمرحوم الشهيد رحيم المالكي

ابد مايرحم الطايح وكتنه
جمعنه ورجع طشرنه وكتنه
اصيح على الفرح اوكف وكتنه
تركني وماسمعني ورد عليه
==================
اشرفنك على العالم وفضلك
ودمعي ماجرى لغيرك وفضلك
انه من اذكر بعض طيبك وفضلك
اشكرك كل صباح وكل مسية
==================

وكَع كَلبي بغرامك مات شيله*
وترى كَلبي التعذب مات شيله*
اخابر وانت تسمع وماتشيله*
وينك ياحلو بس رد عليه
=================

بنار الهجر صدك مايعاني
ونشف من كثر دمعي ماي عاني
تريداتشوف كلبي ومايعاني
مد ايدك جهنم تلكه بيه
=================

من هجرك بقى الدلال بس تك*
لتلعب على الحبلين بس تك*
امس بالحلم مدري منين بستك*
لان كلك حلو وتاهت عليه
================

وحق رصعة خدودك وحق شفتك
انسبيت بيوم وسط الخلك شفتك
إشيخلصني بعد شرتاح؟ شفتك؟
تبعد تقترب نفس الاذية
===============
انصاب اللي نظرلك حمى لو شل
والشامت من جمالك حمل وشال
صدرك طكً اشوفة حمل وشال
أحضنك حتى لو صرت المنية ؟؟

===============

صرايف عشك روحي وكصرتلك
ونفس وكت المنازع وكت صرتلك
طويل واعلى منك وكصرت لك
حتى تلوح من تبوس ادية

================

هسه العتب وياك ان اوانه
وعليك الليل كله انه وانه
يالتهدد بالنفاهه انه وانه
وينك مو طبك دهري عليه


=============================

واني بخدمتكم حيدر الركابي

avatar
header_79
لاعب جديد
لاعب جديد

ذكر
عدد الرسائل : 72
العمر : 38
محل الاقامة : fبغداد
العمل / الترفية : معلم
الهوايات : كرة القدم
تاريخ التسجيل : 29/01/2008

‏ ‏
رقم العضوية: 568

معاينة صفحة البيانات الشخصي للعضو http://www.habibti.com

الرجوع الى أعلى الصفحة اذهب الى الأسفل

رد: اجمل ماقيل بالابو ذيه جديد@#@

مُساهمة من طرف header_79 في 4/11/2008, 7:12 pm

يالله سمعونه ردودكم لا تبخلون علينه
avatar
header_79
لاعب جديد
لاعب جديد

ذكر
عدد الرسائل : 72
العمر : 38
محل الاقامة : fبغداد
العمل / الترفية : معلم
الهوايات : كرة القدم
تاريخ التسجيل : 29/01/2008

‏ ‏
رقم العضوية: 568

معاينة صفحة البيانات الشخصي للعضو http://www.habibti.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى