)($)( سندريلا العراقية )($)(

من طرف **معاد الجبوري** 12/18/2007, 9:06 pm

كان ياما كان في قديم الزمان جان اكو واحدة اسمها سندريلا و فد يوم جان اكو حفلة بالقصر مال الامير و هاي مرت ابوها الآفة ما قبلت انه سندريلا تروح للحفلة و اخذت بناتها و ركض و سندريلا كاعدة تشتغل بالبيت و خلصت و بعدين .....

لبست البدله وراحت ركض على القصر وشافها الأميرهناك وحبها وركصو سويه وفجأة دكت الساعة ظنعش وركض صارت تهرول تهرول لحد موكعت شحاطتها على الدرج .......

سندريلا راحت على البيت وتمنت لو انه الساعة ما دكت على الظنعش، بس شتسوي بحظها الاكشر مثل حظ هذا البلد.

الأمير حط فردة الشحاطة على مخدة يمكن لونها زركة أو نهدي، المهم صار يصيح بصوت عالي على كل البنات علمود يقيسون الشحاطة،قاسوا كل البنات إلا سندريلا .....

سندريلا نزلت على الساحة ووياها الفردة الثانية مال الشحاطة، وحطتها على المخدة الي عليها الفردة الخ، ولمن اقتربت دتقيس الشحاطة ضربها الامير راشدي، وكللها: هيييي وين جايا،

كلتله: عما بعينك شكد سخيف,يعني مدتشوفني داقيس الشحاطة

كللها: عابتلج وحدة مثلج شلون تريد تكون مثل ذيج الكمر،

كلتله: هسا اشوفلك واحطها بعينك هاي الشحاطة

ولمن جتي دتقيسها، مطلعت على كدها، لأنه جانت مورمة من الشغل الهوايه، وخطيه محد صدكها، واتخبلت البنية وظلت تفتر بالشوارع وتبجي وتصيح ، والأمير اتزوج غيرها وكال: لشوكت حظل ادور عليها انشاء الله درب الصد ومارد الله يطيح حظها هي الخسرانه.

هع هع هع

وعاشو عيشه سعيدة الى ان جاء بريمر والجعفري . ايه بريمر ماكو غيره. بس ذيج قصة ثانية.

وشكراااااااااا

من طرف **معاد الجبوري** 12/19/2007, 2:22 am

اعلاناذا كنت حشاش .:: فقط ::.توجه الى الاقسام التحشيشة ومن ثم الى قسم الاحزاب والمشاكلاقرا القوانين واذا كانت مشاركاتك تسمح لك بالتسجيل ف سارع بالتسجيل في حزب الحشاشة.::الباج::. )($)( سندريلا العراقية )($)( 14445385