يوميات البنات

من طرف **معاد الجبوري** 12/18/2007, 6:01 pm

خل نشوف البنية شسوي و شون اتكظي يومها

تكعد بال 12الظهر مو على صوت منبه لا لأن المنبه اصلا خلصانة باترياتة من زمااان و صاير مزهرية و احتمال امسوية فتحة بي و حاطة بي ورد اكو منبه اضبط اللي هوة صوت ماما(ولج كومي اشتغلي ولج كومي اشتغلي ولج كومي اشتغلي ولج كومي اشتغلي ولج كومي اشتغلي.........42 مرة ) وراها تبدي نصف ساعة حرة تتضمن اهم مواضيع الساعة عالميا (تثائب,,,,, تذكر الحلم,,,,,شراح البس اليوم من اروح السهام العبيدي؟؟؟ الحمرة خلصت امي تقبل اخذ شوية من معجون الطماطة ؟؟ اذا الكحل خلص عدنا فحم؟؟)و ترجع اتنام!!!!!!!!!!

اتظل تمارين ايروبكس الصباحية بس مو رياضة و انما اتجر المخدة و اتخليها فوك راسها و وراها ترجع اتخلي المخدة جوة راسها و وراها ترجع اتخليها فوك راسها (112 مرة)

كولو كامت( كككلللللللييييششششششششش) اول شي تتوجه للحمام حتة اتغسل وجها,,,,, امها بالمطبخ ما تسمع اللا عيطة 6 درجات بمقياس ريختر صادرة من جهة الحمام رأسا اتذب الجفجير و ب 3 كمزات هية بالحمام تريد اتشوف بتها اشصار بيها شنو انتلت بالواير؟؟؟؟ ابراهامز صعدت عليها؟؟؟؟؟؟؟( ادري ابراهامز اشجابها بالحمام اللي اعرفة بغرفة الخطار,,,المهم) تكتشف الام انه سبب العياط جان ابو بريص عال حايط يم المغسلة الأم راح تتعصب و تكللها وج ادري هسة هوة أبو بريص أي ادري شطالعلج؟؟رابح صقر؟؟؟ وتعوفها و ترجع للمطبخ اتدور عال جفجير وين صفة بي الدهر

تبدي البنوتة الشغل,,,,,, تلزم المكناسة الكهربائية( اذا أكو وطني اذا ماكو ترجع اتنام ) و تكنس الزولية(مو زورية) كل اللي اتسوي انه اتشيل 4 حبابي تمن و الشكر اذا واكع ما اتعب نفسها و اتشيله(كلبها جبير راح اتعوفة للنمل) و ترجع اتطفي المكناسة و اتكول ال امها المكناسة انترست بعد ماكو مجال ما اكدر اكنس ,,,امها راح اتكلها تعاي لعد كشري البتيتة حتة اسوي فنكر اني اكليها ادري بيج ما اتدبريها بس تعاي كشري ,,,

تاخذ 3 بتيتايات صغار اب صينية جبيرة مال قوزي ( شنو هال زحمة؟؟؟) و سجينة ام المتر و تبدي تذبح العفو اتكشر البتيتة ورة ربع ساعة راح تكتشف انه كل الكشور اللي اموخرتها وياها تقريبا نص البتيتة لازكة بيها راح تاخذ 5 بتيتايات لخ بحيث من 5 كيلوات راح يصفة ماعون بي 15 قطعة فنكر

وراها فترة استراحة 5 ساعات (مع انه الشغل كله جان ثلث ساعة) تكعد عال سكلايت تبدي اتكلب بالقنوات روتانا كليب ميوزك مزيكا ميلودي و اتظل نفس السلسلة ساعة بحيث شكو مغني بالقنوات هاي معدتة تكلب و جرررررب هنا و طفت الكهرباء

تلزم الارضي تخابر صديقتها كولو حصلت الرقم تعالو شوفو شلون يحجون:
هلوووووووووووو شلوووووووووووووووونج؟ من ساعة 1:00 الى ساعة 2:00
اخبااااااااااااااااارج؟شووووووووووووننج حياتي؟؟؟؟؟؟؟؟؟؟؟
مشتاقتلج هلو بيج اني اكثر انتي شلوووووووووووووونج؟؟؟؟؟؟؟؟
مشتاااقتلج موت !!!! اخبارججججج؟؟؟ اموووووورج؟
ههههههههههههههههههههه(على شنو تضحك؟؟؟ ما اعرف) ( من ساعة 2:00 الى ساعة 3:00)

شفتي سامو زين ذاك اليوم؟ولج عزززة ايخبل ايخبل لا لا تامر مو حلو (من 3:00 الى نهاية المخابرة) صاير طالعتلة بطباطة اب خشمة اي اي
يا حفلة؟جذذذذذذذذب!!!!!!!! مال اليسا ؟؟لا ما شفتها لااااااا عفيييييييييييييية
شوكت طلعت؟؟؟؟؟؟ لااااا حرامااااااااات جنت دا اغسل شون حظ
يللا بلكي ايطلعوها مرة لخخ اكلج,,, عندج نغمة مال هيثم حلو حبك؟؟ صدك؟؟
عفية عود انطينياها حبااااااااااااااابة ,,,هههههههههههههههههههههههههههههه
ههههههههههههههههه( على شنو الضحك والله ما ادري هسة قابل خطي مشترك
وياهم؟) شكد خبيثة,,,ايي اييي اني هم يللا لعد اشوفج عال نت باي

طبعا البنات كلش يحبن الماوس مال حاسبة و يفيكون من يشتروه ابو المي ابو المدري شنو اكو ماوس احمر اصغير بس اني اليوم جايبلهم ماوس كلش عملي و حتة يساعد اب شغل البيت (زين شنو علاقة شغل البيت اب ماوس الحاسبة ما ادري) المهم تكعد تلزم الانترنت لل2بالليل تجذب عالولد خطية والولد يصدكون
واخيرا تنام وتعيش اليوم الثاني مثل اليوم اللي قبله..........
ان شاء الله تعجبكم واسفة على الاطالة ..........

من طرف عيون يونس 12/18/2007, 6:27 pm

هع هع هع يسلموو حبي على التحشيشة..تحياتي الك

من طرف **معاد الجبوري** 12/19/2007, 2:23 am

اعلاناذا كنت حشاش .:: فقط ::.توجه الى الاقسام التحشيشة ومن ثم الى قسم الاحزاب والمشاكلاقرا القوانين واذا كانت مشاركاتك تسمح لك بالتسجيل ف سارع بالتسجيل في حزب الحشاشة.::الباج::. يوميات البنات 14445385

من طرف مخلوقه من حب يونس 2/15/2008, 8:47 pm

ههههههههههههههههههههههههههههههههه تسلم

من طرف عاشقتك يا يونس 3/4/2008, 11:53 pm

مشكور

من طرف صفاوي عاشقة الانبار 3/16/2008, 11:12 pm

ليش هيج ليش حرام عليك

من طرف **^بنت العراق^** 3/17/2008, 8:12 am

هههههههههههههههههههههه
مشكورر

من طرف **بيكهام** 3/20/2008, 5:29 am

ههههههههههههههههههههههههههههههههههههههههههههههههه
مشكورررررررررررررررررررررررر بس مو بس البنات ايجذبن على الولد الولد هم ايجذبون يعني اثنيناتهم مو خطية ههههههههههههههههههههه

من طرف عاشقتك يا يونس 3/20/2008, 7:40 am

اي بيكهام كوله هوه اكو غير الولد جذابين هههههههههههههههههههههه مع احترامي للكل بس هوه اني بقيت احترام هههههههههههههههههههههههه مشكور

من طرف **بيكهام** 3/20/2008, 7:47 pm

لالالالالالالالالالالا اي همة الولد والبنات جذابين يكعدون واحد ايكذب على الخ وميدرون ههههههههههههههههههههههههههههههههههههههههههههه

من طرف لينا العراقية 3/26/2008, 5:15 pm

يخرب بيتك هاي شنو؟؟؟؟؟؟؟؟؟؟؟؟؟؟

يوميات البنات

يوميات البنات

رد: يوميات البنات

رد: يوميات البنات

رد: يوميات البنات

رد: يوميات البنات

رد: يوميات البنات

رد: يوميات البنات

رد: يوميات البنات

رد: يوميات البنات

رد: يوميات البنات

رد: يوميات البنات