ليلـــــة رأس السنــــــة

ليلة رأس السنه
ان لم تكن السنه استعدتني
واستعدت من حولي فلما الاحتفال بها
هذه وجهة نضري

كل يوم من ينتهي
وياه اشطب رقم
والرقم من عمري
ويومية اكول انتهت
والعمر يركض ركض
بس جن ولا ندري
شبسرعة وتغيرت
شو صرت مثل الكطن
وك ليش ياشعري
وكل من ينتهي ينطيني اجري تعب
اشكد جمعت بالتعب حتى انحنى ظهري
وكل يوم من ينتهي
ياخذ اشما بالكلب
من حيل . من فرحة
ومسكين ليلي يمر
مستعجل اعله الفجر
وايعاين .. لصبحة
لا. ياعمري والجرح ربيه من صغري
ياهو اللي مثلي كبل يتربة وي جرحة
ويومية اشطب رقم
متعود انه اصبحت
والرقم من عمري
ومابية ظنه العمر
كاغد وجاسه اللهب
مكرود .. ياعمري
ومامرني مرة الفرح
بس قهر جبت عمري
من صغري حد كبري
وانه ويه روحي عرك
كلساع اكله الصبر
ياروحي وج صبري
ياعمر وك ياعمر
شتريد مني بعد
هو اشبقى بالروح
وياكتر من الكلب
ضل صاحي مامجروح
تحسب ايامك علي
وك عمري ماينحسب
لن خلص نوح ابنوح
واتقشمر وية الوكت
يومية اودع محب
ياهو الاحبة يروح

الدنيا اسيوف بظلوعي .. سنتها
وقوانين التعب لجلــــي .. سنتها
الوادم تحتفل باخــــــــر.. سنتـها
وانا ابجي اعله العمر راح امندية

(( للشاعر الرائع محمد رحيمه الطائي ))