ابوذيات تحشيشيه

هلو الاول البنات وبعدين يالله يجون الشباب بالنهايه المهم اليوم جبتلكم ابوذيات تحشيشيه .......ان شالله تعجبكم

دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية

____________________

احباب النحبهم مارادونا
جفونا وبجفاهم مردونا
ولك صرت طوبة واليلعب بيها مارادونا
مدكولي بعد يا كولجي يلحك علية

______________________

جدري غله ميه وابد مافار
ولا بقى بيتي لاجريدي ولا فار
ولانا مكمل الخدمة ولافار
اركض والعريف يدك عليه

______________________

كثر بحسنك وبجمالك وصفنه
وحبك يرادله كعدة وجلسه وصفنه
اتمنى من الله اتكون بمدرستنا وصفنا
اذا تاخذ صفر انطيك مية

والي عنده بعد يكدر يحطهم بالموضوع