ابو ذيات رهبيه فور باي فور تفوتكم

من طرف **doskee_93** 12/8/2007, 1:57 am

سهم حبك صابني من الصغر ومن شب
وأنت سبب نيران كلبي من شب
والله من القهر راسي أنملى من الشيب
وأنت ابد لاحنيت ولا صرت أليه
************************************************** ***********************************************
ومن حبك احترك كل النفط والتناكر
والي عليك أفضال كثيرة وأنت ناكر
وتحبني أسألك تكلي لا وأنت ناكر
دكول احبك خلي تنفك ألازمه عليه
************************************************** ***********************************************
من جمالك أحطك خلف إلف ستاره وبرده
والي يغازلك أحطه بثلاجة الموتى وأبرده
من أجلك اصغر حلقي وفج أسناني أبرده
حتى من أبوسك ماتننبلع وتروح من أديه
************************************************** ***********************************************
كلبي ماغير حبك ولك راد
ومهما بعد عنك انت الوطن والك راد
والله لوحد الشيعه والسنه والاكراد
وامشيهم الك ويخطبونك اليه
************************************************** ***********************************************
حبك هو سبب علتي وشفاتي
وبعدك يبس حلكي وشفاتي
دكلي سويت انه الك واشقتي
واعرف سبب جفاك وبعدك عليه
بحبك نسيت يوم ميلادي وشهره
وحبي الك لافضحه بالدنيا واشهره
ولاجلك اعوف المال والشهره
واكتفي بس بجمالك وهاي هيه
************************************************** ***********************************************
ميت وابجي على الجسد...وجفناه
والدمع ذبل عيوني.......وجفناه
واهلي هو سبب موتي....وجف ناه
رجعتي للوطن الغالي عليه......
************************************************** ***********************************************

من طرف **معاد الجبوري** 12/11/2007, 5:37 pm

مشكور ع الابوذيات

ابو ذيات رهبيه فور باي فور تفوتكم

ابو ذيات رهبيه فور باي فور تفوتكم

رد: ابو ذيات رهبيه فور باي فور تفوتكم