انا والليل والكيبورد

من طرف عيون يونس 12/7/2007, 4:33 pm

السلام عليكم

صباح/مساء ،، الخير

هذي القصيده اعجبتني فأحببت ان اطلعكم عليها

،
،
،

انا والليل والكيبورد 82

انا والليل والكيبورد والشاشه بدون الوان
وصمتي والفراغ ورحلة المجهول والغرفه

وكنز من الهموم وتركة الاحزان والدخان
وريح الهيل والقهوه مع المسمار والقرفه

ورحت ابحث عن انسانيتي وبداخلي انسان
وادوّرمع هل الاشعار شعر (مهلهل) وطرفه

لقيت اللي تومّي لي يده بالبر والاحسان
يقول اللي تريده عندنا صرف الذهب صرفه

ولكن حط ماسنجر عشان تواصل الخلان
ودش الشات واعرف سلمنا لو ماتبي عرفه

ترى العالم غدى قريه صغيره مابها بيبان
وكلن فوق حبله يرقص وكلن معه حرفه

وفي لحظه!!وفي عز انسجام الجرح والنسيان
تذكرت السنين الماضيه والورد والشرفه

ونسمات الغلا واسم الحبيب وكامل العنوان
وخفة دمه ومنطوقه ومعسوله وظرفه

ودورات الزمان وصرخة الاشواق والاحزان
وضربات الغدر بيدين كل ايدين محترفه

وكرهت المنتدى ومحركات البحث والالوان
وصمتي والعذاب وكثرة التدخين والغرفه

انا والليل والكيبورد 83