وحـــــش الطاوه

من طرف **doskee_93** 12/6/2007, 11:22 pm

الله بالخير عيوني....

منو كلكم ادخلوو هنا يمعودين ممنووووووع

عالعموم شرفتونا ومليار هلا بيكم نصيحه لا تاكلون هذا الي يسموه( وحش الطاوه) والي ياكله عدل للشماعيه يعني على مستشفى المجانين لا تكولون مكلي يلا نبدي بشعر قديم على وحش الطاوه

وحـــــش الطاوه 0059

اسـود سواد الليل والـزلف اخضـــر .... ولمعة شبه روغان والريحه عنبر

بالحمس والتركيب والمركه نلكـــاك .... يالعفت كـل النــاس من بعد فركــاك

كلبــك صخــر جلمــود يالكشــريتـــه .... مو جنت تبجي دمــوع من فاركيتـه

اســـود ســواد الليــل وبعينــي تبنـي .... واحد من اهل البيــت حسبالك ابني

بالدهــن لــو غطيــت اتنشفــه كلـــه .... سعـر الدهــن ياناس ربالــي علـــه

هم طرشي هم تكلاه هم شيخ محشي .... مثل الذهب ياناس بالســوك يمشي

اسـود سـواد الليـل بـس كلبـه ابيـض .... ادري الطماطه تفيد بس انته افرض

لو يصعــد الـــدولار هم هــوه يصعــد .... حسبـالـك البتـــرول النفــط الاســود

غلطـــان إذا ظنيـــت بالشتــه ننســاك .... رسمـك ثبت بالعين والطــاوة ويـاك

يالتحجي عالــروغان تستـاهل إعــدام .... لــو فاركتــه العيـن ما تكــدر تنــام

زايـــر بيـــوت النـــاس والبيــت بيتـــه .... لــو بيــدي يا هـالنـاس ما كشـريته

كطعـــت ورد البيـــت وزرعتــك إنتـــه .... حيرنـــي لغــز البيــك ومــا فهمتــه

بكـــد ما بليـــت النـاس من الله يبــلاك .... إبتعـد عني و روح أرجـوك يا بلاك

مــا أظـــن انـا بيــوم أكـــدر أعـــوفـــك .... لوما كتلني الجوع ما جنت أشوفك

لــو وجبــة ما ألكــاك صدكنــي أمــرض .... من كثر اللي بيك سويتـه معـرض

دار الزمـــــان ودار وبقيـــــت إنتــــــــه .... والبــاقي يا هالنـاس خلـوها سكتـه

يالــدزك الـــرحمــن للنــــاس رحمــــــه .... أتخيـــلك باليـــــل بالطــــاوه لحمـــه

شكـــد حـــاول العــدوان يفرض حصـاره .... ما يـدري وحش الليل سواله جـاره

لــو تحجي يــا هالنــاس هالمعــده كالــت .... جيبــولي بيتنجـــان الفـــركه طـالت

يــروح السمـج والبيـض واللحــم فــــدوه .... لعيــون البيتنجــان بس هــوه يسوه

العظـــم أســــود صـــــار وحتى الخليـــــه .... مــن سمـــع البيتنجــان بالصيدليــه

وكـــافي بعــد يانـــاس ما أكــــدر أحجــــي .... لـــو شفـت البيتنجان هاليوم أبجي

وحـــــش الطاوه Ya

يابه لاتنسونه بالردووووود