ندبة صاحب الزمان

من طرف **معاد الجبوري** 12/4/2007, 5:16 pm

يبن الحسن كافي الهجر مالك رجوع بهل عمر ؟!
شيعة وتندبك ياشمس يمت الظهور اعله الفجر ؟
صمنه عكب غيب هلالك للــــــــيوم مشبوح النظر
ملينه النظر اعله نجمات السمة مايبزغ اهلال الفطر؟
ظلمة ارواح اعراقنـــــــــــــــه اي مايكتمل نور البدر ؟
شفت من تنفجر اجسادنه شفت من تذبحنه الكفر
تسمع اخبارنه لو مكطوع بظهورنه سجاجين الغدر
تسمع بشيب اصغارنه شابت ولا شاب الكبر
تسمع بذبح ارجالنه بديالى مو تاه الفكر
سمعت الناس امصابنه كالت وين الوعدكم بالنصر
كالت وين التحنوله الجسد وين اليجيبلكم ظفر
وين اليخلص شيعته هذا الدكلهم صدر
وين اليمليه عدل امامكم الثاني عشر
ياربي تشعل مصباحه كبل لا ياخذ حقه الكبر
وتجعلني جندي من جنوده حقي عله اعدائه اكر
لو خادم تكرمني عدهم الهم اقدم ماي وتمر
لو فصمه تجعلني بتمره لو بقلم جنديهم حبر
راح ابقى اتنطر راياتك وراح اشرب فوك الهم صبر

_________
سرح شعرك تهدل صوبي ونساب
وطفح دمعي على الوجنات ونساب
اسئلك كلي ياهو وياك انسب
وتجازي افعالي الطيبة ابردية