قصيدتي ....وي الحبيب تعانق كل يوم

حكومتنه العزيزه
وبيتنه وكل دار ...
والضيف الوطن وعيونه
الملكه !

والكاع ونخلنه
وماينّه بنهرين ...
شريان الكلب بأرواحنه
إنشبكه !

نشمه بطيب
ونرشه بورد وزهور
ونلبسه الفرح مانكعد
بسكته !

نهيّج الناس
يومية المسه وبليل
من كركوك ولبغداد حد الكوت
بسنون الشعب ...ضحكه !

هذوله إحنه العراق
وصوته من حسين ..
هيهات وتذل جفوفنه
بتفكه !

إذا نيت العدو يتغازل
اويه الذيب ...
يغدر والمكر يتحايل
بعركه !

نكله إحنه الزلم
بالفاله والمكوار ...
وذاك ابن الشمال زنوده
بشمركه !

ماتكدر علينه
والخريطه ألوان ...
مرسومه ابمحبه بكل رسم
نبكه !

نبكه بلهجة الكاكه
الأخو وبطيب ..
ونكبّر الوطن
ونخلي عدونه ينام
بالطركه !

ونكله العراق اليوم
موكل يوم ...
أمسه املطخ بتاريخ
مات اويه البعث وتجفن
بلزكه !

اليوم العراق
يعانق الخلان ...
وبجف اليصافح يكتب الدستور
ويعلكه !

تمت ولله الحمد

ــــــــــــــــــــــــــــــــــــــــــــــــــــــــــــــــــــــــــــــــ
بلادي وان جارت علي عزيزة واهلي وان قسوا علي كرام
ــــــــــــــــــــــــــــــــــــــــــــــــــــــــــــــــــــــــــــــــــــــــــ
الوطن واحد مالة اي بديل وهو العراق وشعبه الاصيل

يسلموووووووووووووووووووووووو

مشكور