القصيدة مستوحاة من معاناة العراقيين على حدود بعض الدول

من طرف هاني الصراف 10/7/2007, 4:44 am

انا عراقي وشحجيــلك عليــة
انا عراقي يهل تــنشــد عليــة
انا عراقي وكلبي يشهد عليــة
الاصل راقي لا تسئل على الهوية
صحيح الدنيا غدارة وغدرت بية
وصحيح جروحي عبرة المية 100
بس اذكرك انت الي خنت بيــــة
ولك فضـــلي عليـــك مو شويـــة
انا عراقي لا مو طبـــعي الرديـــة
حرست عيون عمان مانمت المسية
ولا تنسى بحرب تشرين انا شفت المنية
وللجولان انا ضحــيــــت بايــــديـــة
وبارض لبنان قدمت روحي هديـــة
خضت حروبي وحروبك سويــــــــة
ولك متكلي شنهو الباقي لـــــــيــــــة
بقت بس عيـــونــي وتبجي علـــيـــة
وتكلي شوف العرب شسوو بيــة
وهم الك عين وتسئلني على الهوية
يجاري اتركني بحالي شويــــــــــة
وخلي اداوي جروحي بطيب وحنية
وخل كلبك نظيف وصافي النيـــــة
لاتكلي ماتفوت لارضي ماعندك صلاحية
وجوازك منتهي ومنتهية الدخولية
ولك انا عراقي وشحــجــيــلك علية
وشحجيلك على بــغــداد الحرة الابية
وشحجيلك على الجبل وثوار الشمالية
وشحجيلك على الفال وابطال الجنوبية
وشحجيلك على الكرم ومضايف الغربية
تعاندني ؟ عاند ثلث الكرة الارضية
ولا تعاند ابن العراقية

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بلادي وان جارت علي عزيزة واهلي وان قسوا علي كرام

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الوطن واحد مالة اي بديل وهو العراق وشعبه الاصيل