نكات

من طرف **بيكهام** 2/13/2008, 7:49 pm

واحد محشش منع زوجته من زيارة أهلها خوفا من افلاونزا الطيور... كلتله بس اهلي ماعدهم لابط ولا دجاج ولا اي نوع من الطيور كللها اي بس امج بومه

هذي القصيدة معاناة شاب ينتظر صاحبته تطلع من المدرسة: نسيتي من انتظرتج أول أمس .. واكف مكابل سياج المدرسة ومنحبس .. وتطك براسي الشمس.... شكد جكليت اشتريت وقرص نعناع وجبس .. سبع مرات اشتريت وما بقى بجيبي فلس .. وعيني وي مر الثواني تنتظر دك الجرس .. ودك الجرس .... وكل البنات تفرقت وما بقى غيري شخص.... سألت الحارس وكتله ما شفت حمامه زاهية ابدلة عرس .. كال هاي التحجي عنها وي واحد طلعت من ثاني درس .. واني من جيش المهدي وأبشرك بكل فخر راح تنعلس.......

محشش كامش الدجاجة ويضرب بيها ويقول وتالي وياج كل يوم بيض

دكتور عيون محشش شاف اشارة المرور حمراء نزل حطلها قطرة

فد يوم واحد خبيث خالته جابت ولد( بدون اذان) أمه كالتله: روح سلم على خالتك وباركلها على الولد بس دير بالك تجيب طاري انه ابنها( بدون اذان) لاتجرح مشاعرها وتكلب عليها المواجع فراح بارك لخالته دخل سلم عليها وكال بس لازم تكثروله من عصير الجزر حتى لايضعف عنده البصر. خالته كالت: حتى لو ضعف البسه مناظر. كال: موهي هنا المشكله وين يعلكها...!!

فد يوم عربي راح للشمال وكعد بمطعم لحم بعجين وطلب قطعة عامل المطعم جابله عجينة بدون لحم كرر الطلب مرة ثانية وهم جابله العجينة بدون لحم كاله اني ردت لحم بعجين مو بس عجين. الكردي رد عليه: لعد ليش من اجي لبغداد اريد صابون ركي تنطوني بس الصابون بدون ركي

قال الرئيس جلال طالباني: لا تخف من الموت بالسيف فان لم تمت بالسيف تموت بالشتا

عشرة كراد سووا مظاهرة عالامريكان لبس واحد منهم ملابس بوش وحرقوه

فد يوم سألوا الطالباني: سيدي انت ليش سمين لازم تهتم برشاقتك لان بيها صحتك؟؟؟ جاوبهم: مو الماما مال آني من جنت زغير جانت تحطلي بدل الباودر بيكن باودر.....!!!

دليمي اشترى بي ام بمواصفات خاصة، فيها الكمبيوتر يصلح كل شي من دون ما يروح الوكالة! حب الدليمي يجربها فدعم بالباب اللي عاليمين، فرد الكمبيوتر: يا أيها الباب ارجع كما كنت، فرد ودعم بالباب اللي عاليسار، فرد الكمبيوتر يا أيها الباب ارجع كما كنت! عجبته السالفة قام جربها وطار من فوق الجسر!! فرد الكمبيوتر: يا أيتها النفس المطمئنة ارجعي إلى ربك راضية مرضية ....

هذه الابيات من الشعر الكردي: انت واحد قمر ؟ انت يحب كل نفر ؟ اني ميشوف انت ؟ اني يموت قهر ؟ انت لو ينسى اني ؟ اني يبجي مطر

حشاش سلبوه سيارته خرب من الضحك سالوه شبيك كال لو يموتون ما اسويلهم وكاله

واحد ديمشي بسيارته بالازدحام ... جان واحد يدك عليه شباك السيارة ... فتح الشباك وسأله: "تفضل أخويه" ... كاله: "نوري المالكي خطفوه ويريدون فديه 100مليون دولار ... واذا الفديه ما اندفعت الخاطفين هددوا يحرقون المالكي مباشر على التلفزيون بالبنزين والنار واحنا دنجمع تبرعات .... تحب تشارك؟؟؟" ابو السيارة كله: " والناس شكد متبرعين لحد هسة تقريبا؟؟؟" جاوبه : "من 5 الى 10 لترات بنزين

كيكي بالصحراء يندعي: يا إلهي اريد مي، حتى لو قطره،هناك نزلت عليه قطره گام بلل بيهه گذلته

مصلاوي ذبح خروف سوا اللحم كباب والارجل باچة والجلد سجادة والامعاء سماد والعظام طحنها علف للدجاج وحتى صوت الخروف خلاه نغمة للموبايل

محشش راح لكويت .. من رجع ديحجي لجماعته كللهم هااااااي شنو الكويت رهيبة شكد انبياء بيها ... نبي نروح .. نبي ناكل .. نبي نشرب .. نبي نطلع .. نبي ننام .. لو اضل للصبح اعددهم ما يخلصون

دليم بلندن ركبوا باص أبو طابقين ... اللي فوك يدك على اللي جوه يكوله : شكد تمشون ؟ كاله : 80 .. وأنتم ؟ كال اللي فوق : احنا لحد هسه ما اجانا السايق.

مره خطيب شرب شريط كبسول وراح للخطبه وره الخطبه راحوا جماعته للبيت كالوله انت اليوم اشكد كذبت كالهم ليش كالو كلت معركة بدر صارت قصف طيارات مشيناها كلت صلاح الدين الايوبي ضرب القدس كيمياوي هم مشيناها بس مال ابو جهل باع بلال الحبشي بخمس ملايين لبرشلونه هاي وين لاكيها

محشش دفن نص جسمه والباقي لا ليش؟ يصور فيديو كليب انا عايش ومش عايش

كردي كاعد من النوم كال حلمت فات بسمار برجلي كله صديقه صوجك ليش نايم حافي

محششة ضايجة ، جارتها كالت هاي ليش ضايجة ، المحششة كالت دزيت ابو الجهال للسوق يجيبلي فاصوليا دعمته سيارة ومات ....جارتها كالت و شراح تسوين كالت اسوي باميا وامري لله ..

محشش قطع رأس أخوه وهو نايم وكعد يضحك ويكول:راح يتخبل لمن يكعد ويشوف راسه ماكو.

يكولون الحزب الشيوعي اتوحد وية حزب الدعوة وسموا الحزب الجديد حزب شدعوة.

مرة كردي راح يشتري راشي ما عرف اسمه كال للبكال عندك لبن عسكري

فد دليمي كلها لمرتة عدنا تمر ولبن وزبد كلتلة اي كلها متسويلنة بيتزا

شيخ ماشي بالشارع سال واحد مكبسل اخي الكريم هل لك ان تدلني على الطريق العام وساكون لك من الشاكرين كلله المحشش صدق الله العظيم

حشاش وكع من السطح فالناس التمو علي كالوله خير شكو كال والله ما ادري هستوني اجيت

يكلك ابراهيم الجعفري ويه عدنان الدليمي ديلعبون دومنه وجان يموت الدوشيش بيد عدنان الدليمي جان يكوله الجعفري هاااااااااااااا هم كول الشيعة كتلوه

واحد صادقله مخلوق فضائي، گلله: صدگ الدقيقة عدكم بمليون سنه عدنه؟؟ گلله أي، گلله: زين وصدگ الدينار عدكم بمليون عدنه؟؟ گلله: هم أي.. گلله: زين ماتنطيني فد دينار.. گلله: انتظر فد دقيقة

مرة واحد كال لصديقه: أريد أسوي لزوجتي مفاجأة بعيد زواجنا الأول، صديقه كاله: شراح تسوي؟؟ كال: راح أوديها للصين، كاله: يمعود بعيد زواجكم الأول هيجي لعد بعيد زواجكم الخمسة والعشرين شتسوي؟ كاله: أروح أجيبها

استاذ كال للطلاب:اللي يحس نفسه غبي خلي يوكف, فكام طالب وكف. سأله الاستاذ: انت تحس نفسك غبي؟ جاوبه الطالب:لا استاذ بس استحيت اعوفك واكف وحدك

مره شيخ ديمشي شاف مجموعه ديحششون ... كلهم حرام عليكم ابنائي ... كلوله وعليكم الحرام هلو شيخنه

فد يوم سوداني يريد يروح للعراق كالوله تره هناك اكلين لحوم بشر كال ما اصدك اذا ما اشوف بعيني راح للعراق وصل يم بيت سمع واحد يصيح ام فلان شمسوية اكل كالت شيخ محشي كال يمه مشى مسافة وكف يم بيت ثاني سمع واحد يصيح جيب زنود الست وجهه صار اصفر مشى مسافة وكف يم بيت ثالث سمع واحد يصيح ام فلان شمسوية عشى كالت اسود كال اطفر وصلني السرة.

مرة كردي طلع سفرة سألوه جماعته: اذا تعرف شطابخين بالجدر ننطيك نص البرياني؟ كلهم اكيد دولمة...!!

مرة كردي تعين بالحرس الوطني كاله الامر مالته حظر التجوال يبدي الساعة 10 اذا طلع واحد بعد 10 اقتله. طلع واحد الساعة 9 كام يرمي وقتله اجه الامر كال ليش كتلته؟ كال: سيدي هذا جيراني اعرفه ما يوصل لاهله ساعة 10.

كردي عنده عصفور وره يومين مات ليش.....؟...... لان كل ما يوصوص يحطله دهن....!!!!!!!!!!!