الى عشاق الومضه

بعد ان اكلت بوري ابو الانج ونص اقول

فد يوم كلنه نحط دهن ونكض ركن ونتاني
بلكت ابو عيون الزرك صدفه يمر يلكاني
وماقصر الله هالاجه بس من اجه تعداني
تالي طلع وي صاحبي متواعد وخلاني
خوش بوري ؟؟؟؟؟؟؟

........................................
والى من جرح من قبل غدر الزمان

قبل جانت دمعتي بعيني بت بيت
واضن حته الرمش مايدري بيهه
صفت هسه دمعتي لازمه الباب
الرايح واليرد يضحك عليهه
..............................................

الى بطله كربلاء السيده زينب عليها السلام

اخت حسين اكلج لو اخو حسين
لو كلج بطل وانتي البطوله
واذا زينب واعدج عالنساوين
اذن نقره السلام عالرجوله
.................................................. .........................
الى القاسم نجل الحسن عليه السلام
القاسم من برز في ساحة الميدان
شبل الحسن انت تصور الحاله
شسع نعله انشلع دنكله وسواه
يعني الجيش عنده وتكت نعاله



انتضر ردودكم