اوصافك حبيبي

من طرف كاسبر 11/3/2007, 2:45 pm

مر ابشارع وچنت اني گاعد بيهه

شفت الناس تنظر حايره اتوصف

وانا ياما وصفته وما وصلته بيوم

طبعا شارد اوصف بيه ما اعرف

جبت مره الشمس والگمر عل خدين

وتخيل بداخل نفسك الموقف

اذا ليلك صبح يتحول بلحظات

يعني الصبح حتما موقفه ايخوف

الحواجب معركه والعيون استعمار

محد جرب النظرات من تقصف

اذا يزعل يطربك اجمل الالحان

ما ادري شتغني اشفافه من يعطف

اذا يمشي يهز الگاع عل خطوات

اذا يمشي ويه دمي شلون ما ارجف

من يحچي الشفايف تعزف الكسرات

عبالك فرقه والالات من تعزف

من يضحك يغني الورد للبستان

وطيور الحمام اطير وترفرف

من يخجل شاكلك عيب اوصف هاي

والله وحياتك واني ما احلف

بس اقسم قسم واحلف على القران

جن وقت الغروب وبالبلم وجذف

اذا گبالك يدوخك يقسمك نصين

متگلي شاگلك شاحچي من يلف

مليت الوصف والوصف ملني وگال

لهنا حدي اني وياك اگلك قف

اذا اني الوصف ما اكدر اوصف بيه

تغرف من نهر وتريد منه يجف

جبل من حسنه شامخ من جماله

يسكت الحچي جملة من جماله

تريد اتوصف انت من جماله

اذا تبقه سنه اتوصف اشويه

[/size]