مطارده شعريه بالشعر الشعبي والدارميات

من طرف ابو عبدالله 10/25/2007, 7:07 am

السلام عليكم حبايبي
ان شاء الله كلكم مرتاحين
حبايبي طبعا اني هوايتي اكتب الشعر الشعبي ومن معجبين بالشعر الشعبي والدارميات واني اشتركت بالمطارده الشعريه بس مع الاسف انحذف موضوعي لان جانت مطارده شعريه للعشر الفصيح اوكي مو مشكله
هسه احنه انسوي مطارده للشعر الشعبي والدارميات
وطبعا الي ايكول الشعر يطي نهاية الشعر حرف والي وراه ايجيب شعر على هذا الحرف وان شاء الله يعجبكم الموضوع
وهذا الشعر مالتي على العراق

(( هم قصف هم عبوات .... هم انتحاري
وچماله فوگ الظيــم .... يطلعلي جاري

هم قصف هم عبوات .... وامريكاا جتـــــنه
وچماله فوگ الظيــم .... سوها فتنـــــــه

هم قصف هم عبوات... هم همي زايد
وجمالة فوك الضيم جذب الجرايد....

هم قصف هم عبوات ابچي الدمع دم
وچماله فوگ الضيم صار العمر هم

هم قصف هم عبوات دم الشعب سال
وچماله فوگ الضيم خلوني عطال

هم قصف هم عبوات يم الوزاره
وچماله فوگ الضيم يوميه غاره

هم قصف هم عبوات .... هم كلهه ضدي
وچماله فوگ الضيــم .... خلوني اجــدي

هم قصف هم عبوات .... هم هيه ورطــه
وچماله فوگ الضيــم .... جابولي شرطه